Siońnia adbyłasia pres-kanfierencyja hałoŭnaha treniera futbolnaj zbornaj Biełarusi Biernda Štanhie, jana była pryśviečanaja budučamu adboračnamu matču z kamandaj Luksiemburha.

Sp. Štanhie, u pryvatnaści, zajaviŭ:

«My vielmi ŭdziačnyja našym zaŭziataram za padtrymku ŭ matčy z Francyjaj (1:1). My byli ŭ šoku, što na sieradu pradali tolki 11 tysiač kvitkoŭ. Ale dziakuj presie. Nam udałosia zapoŭnić stadyjon. Choć niekatoryja internet-partały pisali hadaści i pieraškadžali nam pradavać kvitki. Dziakujučy hledačam my zhulali nie 2 chviliny dadatkovaha času, a 1 chvilinu 45 siekundaŭ. Tak hledačy śvistali, kab chutčej skončyłasia.

Naohuł, pryznacca, ja b zrabiŭ volny ŭvachod na hulniu ź Luksiemburham. A tyja, chto ŭžo kupili kvitki — chaj pa im iduć na Bośniju [2 vieraśnia].
Zaraz ekanamičnaja situacyja składanaja».

«Ciapier naša meta — pieramahčy Luksiemburh, nabrać 12 bałaŭ i zaniać druhoje miesca ŭ hrupie. Zaŭtra ŭviečary nam patrebna hetaja pieramoha», — skazaŭ Biernd Štanhie.

***

Matč Biełaruś — Luksiemburh projdzie ŭ aŭtorak, 7 červienia, na stadyjonie «Dynama». Pačatak, a 20-j. Na viečar prahnazujecca +23 hradusy, jasna, biez apadkaŭ, lohki paŭdniova-ŭschodni vietry, 3 m/siekundu.

Košt kvitkoŭ ad 3 tys. da 30 tys.

Paśla 6 turaŭ: Francyja — 13 (6), Biełaruś — 9 (6), Ałbanija — 8 (5), Rumynija — 8 (6), Bośnija — 7 (5), Luksiemburh — 1 (6).

U kastryčniku 2010 h. u Luksiemburhu biełarusy zhulali ŭničyju — 0:0.

Клас
0
Панылы сорам
0
Ха-ха
0
Ого
0
Сумна
0
Абуральна
0