Ideja sajta «Vytoki» vyśpiavała daŭno i nie ŭ adnoj hramadskaj arhanizacyi, kažuć jaho stvaralniki. Tam vykładzienyja fakty toj historyi, jakoj nie znajści ŭ aficyjnych padručnikach.

Chutka kožny moža lohka znajści patrebny dakumient peŭnaj arhanizacyi ci zdymki z šeścia na Dziady-1988 albo Čarnobylski Šlach-1996. Šerah hramadskich arhanizacyj i pryvatnych zboraŭ abjadnali svaje vysiłki dla stvareńnia vialikaha internet-archiva.

Vacłaŭ Areška z hramadskaha abjadnańnia «Dyjaryjuš» kaža, «My źbirajem usio, što tyčycca historyi hramadskaha supracivu, vyzvolnaha ruchu, baraćby za demakratyju, svabodu, niezaležnaść za XX–XXI stahodździ».

Kali BRSM raptam zabaroniać i pieraškodziać jaho dziejnaści, to i jaho dakumienty mohuć źjavicca na «Vytokach», žartuje staršynia Asamblei NDA Siarhiej Mackievič.

Pakul sajt-daviednik z historyjaj arhanizacyj, bijahrafijami dziejačoŭ, pa acency staršyni hramadskaha abjadnańnia «Dyjaryjuš» Łarysy Androsik, zapoŭnieny na 1%. Tudy pastajanna buduć dadavacca ŭsio novyja fotazdymki i kopii dakumientaŭ. Kožny achvočy moža padzialicca kaštoŭnym asobnikam z svajoj kalekcyi.

Vacłaŭ Areška tłumačyć pryčynu stvareńnia veb-archiva: «My sutykajemsia ź situacyjaj, što vialikaja kolkaść dakumientaŭ hinie. Nivodny aficyjny zbor, archiŭ ci biblijateka sistematyčna nie źbiraje takija materyjały. Dumaju, lepšy zbor isnuje tolki ŭ orhanach biaśpieki».

U budučyni, sajt moža stać i karysnym pamočnikam dla studentaŭ-historykaŭ, spadziajucca arhanizatary «Vytokaŭ».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?