Tema katavańniaŭ, pra jakija paviedamlali viaźni biełaruskich turmaŭ, nabyvaje mižnarodny rozhałas. Eks-kandydat u prezidenty Biełarusi, lidar hramadzianskaj kampanii «Havary praŭdu» Uładzimir Niaklajeŭ źviarnuŭsia da śpiecdakładčyka AAN pa katavańniach Chuana Miendesa.

— Siońnia ŭ Biełarusi stvorany takija ŭmovy, kali navat svajaki viaźniaŭ nie majuć mahčymaści pabačycca ź imi, — patłumačyŭ Uładzimir Niaklajeŭ. — Svajaki znachodziacca ŭ nieviadomaści. Stanovišča viaźniaŭ prosta žudasnaje. Mnohija kažuć, što ŭ kamierach na ich akazvajecca cisk, ale hramadskaść nie viedaje, chto na ich ciśnie, jakimi mietadami adbyvajecca hety cisk.

Usie sproby hramadskaści adkryć «zasłonu nieviadomaści» u hetym pytańni natykajucca na hłuchoje maŭčańnie ŭłady. Adzinaje vyjście — heta zvarot u mižnarodnyja struktury. Moža tam zmohuć niešta zrabić. Tamu naš pieršy krok — list śpiecdakładčyku AAN pa katavańniach. U zvarocie vykładzieny kankretnyja fakty katavańniaŭ u biełaruskich turmach. Zaraz zastajecca čakać mižnarodnaj reakcyi».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?