Nie paśpieŭ jašče ścišycca skandał z hazam «čaromcha», jakim praparščyk Recikaŭ «pačastavaŭ» piacihadovaha małoha na futbolnym matčy ŭ Babrujsku, a mahiloŭskija amapaŭcy praciahvajuć «pracavać» u svaim styli.

Na vychodnych pad Babrujskam prachodziŭ bajk-fiestyval, na jakim achovu pravaparadku musili zabiaśpiečvać supracoŭniki mahiloŭskaha AMAPa. Padčas muzyčnaha kancerta adzin małady chłopiec, jaki stajaŭ pobač ź milicyjantami, pačaŭ machać rukami pad muzyku. U hety čas adzin z «amapaŭcaŭ» azirnuŭsia i ŭbačyŭ što maładzion maša rukami. Mabyć, jon niešta niapravilna zrazumieŭ, ale, biez vyśviatleńniaŭ što i jak, milicyjant adrazu ŭdaryŭ chłopca ŭ žyvot. Jamu na padmohu padbiehli jašče dva milicyjanty, i maładziona paciahnuli ŭ aŭtazak. Śviedkami hetamu stali niekalki dziesiatkaŭ čałaviek, jakija stajali pobač.

U mašynie chłopiec prabyŭ davoli doŭha, a kali vyjšaŭ, vyhladaŭ vielmi kiepska i mieŭ zapałochany vyhlad. Raspaviadać, što adbyłosia ŭ aŭtazaku, babrujčanin admoviŭsia, i syjšoŭ dachaty.

Siabry hetaha chłopca miarkujuć, što ŭ aŭtazaku «amapaŭcy» jašče «dadali» jamu, bo maładzion pačuvaŭ siabie vielmi błaha navat na nastupny dzień i admaŭlaŭsia razmaŭlać ab tym, što adbyłosia.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?