Kanstytucyja Respubliki Biełaruś harantuje kožnamu hramadzianinu svabodu pierakanańniaŭ. Tym nie mienš u našaj krainie ŭ asobnych rehijonach praciahvajecca pieraśled ludziej, jakija vyjaŭlajuć aktyŭnuju hramadzianskuju pazicyju. Pra heta śviedčyć novaja akcyja suprać kiraŭnika Baranavickaj haradskoj arhanizacyi Tavarystva biełaruskaj movy Viktara Syrycy. Spačatku jaho pazbavili pracy, ciapier, kali heta nie dasiahnuła mety, na jahonaj kvatery padčas vobšuku byli nibyta znojdzienyja bajavyja patrony.
My viedajem Viktara Antonaviča Syrycu jak vyklučna sumlennaha i dobrazyčlivaha čałavieka, ščyraha patryjota Biełarusi, jaki zmahajecca za svaje ideały adzinaj zbrojaj, jakaja ŭ jaho jość – a mienavita Słovam.
Sakrataryjat TBM rašuča asudžaje mietady, jakija baranavickija ŭłady vykarystoŭvajuć suprać hramadskaj i palityčnaj dziejnaści V.A.Syrycy, i patrabuje spynić pieraśled słynnaha piedahoha i aktyvista TBM.