Maskva praciahvaje pasyłać sihnały biełaruskim viarcham: čas Łukašenki prajšoŭ.
Robicca heta ŭ formie kampanii krytyčnych materyjałaŭ na telekanałach. Da biełaruskaha hledača jany dachodziać tolki apasrodkavana, praź Internet. U teleefiry ich zvyčajna vyrazajuć. Ale tyja, chto majuć dostup da kampjutara, ich hladziać. Nastojlivy mesydž hetych časam hruntoŭnych, a časam paviarchoŭnych repartažaŭ: čas Łukašenki prajšoŭ, Rasija hatovaja padtrymać źmieny. I hety mesydž jaŭna skiravany da biełaruskich elitaŭ.
«Takoha ažyjatažu i niezadavolenaści dziejańniami ŭładaŭ u Biełarusi nie było z savieckich časoŭ, — ličać u Maskvie. — Heta pieršy vypadak za 17 hadoŭ, kali Łukašenka vymušany byŭ sastupić», — tak aceńvajuć vyniki akcyi «Stop bienzin».
«Zamiest taho, kab dać ludziam zarabić samastojna, ich sprabujuć znoŭ zahnać u pracoŭny łahier, a tych, chto suprać, zavuć žulikami, śpiekulantami i ledźvie nie vorahami naroda», — tak kanał aceńvaje sproby biełaruskich uładaŭ zastrašyć pracoŭnych mihrantaŭ.
«Upieršyniu i Rasija, i Zachad padychodziać da Biełarusi z adnolkavymi mierkami: kredyty tolki ŭ abmien na strukturnyja źmieny ŭ ekanomicy», — kaža žurnalist Pieršaha rasijskaha kanała ŭ analityčnaj prahramie.
