U Biełarusi praciahvaje ŭzrastać abjom prodažu harełki 1

Pavodle źviestak Biełstata, u studzieni-mai hetaha hoda realizacyja harełki pavialičyłasia na 10,3% u paraŭnańni z hetakim ža letašnim pieryjadam. Pradadziena 4 młn. 664,8 tys. dał harełki, jaje dola ŭ ahulnym abjomie spažyvańnia ałkaholu skłała 44,3% (u studzieni-mai 2010 hoda — 45,4%).

Dola realizacyi ałkaholnaj pradukcyi ŭ ahulnym abjomie roźničnaha tavaraabarotu ŭ studzieni-mai 2011 hoda skłała 10,4%. Na spažyvieckim rynku realizavana ałkaholnych napojaŭ i piva na 2 trłn. 590 młrd. rubloŭ.

Piva za piać miesiacaŭ pradadziena 13 młn. 169,2 tys. dał, što na 23,9% bolš za anałahičny letašni pakazčyk. Dola hetaha napoju ŭ ahulnym abjomie spažyvańnia ałkaholu skłała 12,5% (za hetki ž pieryjad 2010 hoda — 11,4%).

Likiora-harełačnych vyrabaŭ realizavana 862,6 tys. dał (+43,6%), vinahradnych vin — 1 młn. 330,4 tys. dał (+27,2%), pładovych vin — 6 młn. 908,2 tys. dał (+6,5%). Pładovyja viny zaniali 29,5% u abjomie prodažu ałkaholnaj pradukcyi (u studzieni-mai 2010 hoda — 31,4%).

Kańjaku i brendzi pradadziena 146,6 tys. dał (+45,3%), pienistych vin i šampanskaha — 500 tys. dał (+28,1%), słabaałkaholnych napojaŭ — 379,6 tys. dał (-26,2%).

0

0

0

0

0

0

Maryna Nosava, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH