Prezident Rasii Dźmitryj Miadźviedzieŭ nie ličyć raspad Savieckaha Sajuza najbolšaj hieapalityčnaj katastrofaj XX stahodździa, u adroźnieńnie ad premjera Uładzimira Pucina, jaki vykazaŭ takoje mierkavańnie niekalki hadoŭ tamu.
«Ja tak nie liču, ja ŭžo kazaŭ pra heta, ja tak nie liču. Heta sapraŭdy było vielmi dramatyčnaja, vielmi ciažkaja padzieja, ja jaje vydatna pamiataju, tamu što ja ŭžo byŭ darosły chłopčyk, mnie było 26 hadoŭ…
Ličyć heta (raspad SSSR) hałoŭnaj hieapalityčnaj katastrofaj ja nie mahu, tamu što była Druhaja suśvietnaja vajna, padčas jakoj zahinuła 30 młn hramadzian našaj krainy, była Hramadzianskaja vajna, vielmi strašnaja, padčas jakoj zahinuli miljony našych hramadzian»,— skazaŭ Miadźviedzieŭ u intervju vydańniu Financial Times.
Jon adznačyŭ, što raspad Savieckaha Sajuza adbyŭsia praktyčna biaskroŭna.
Miadźviedzieŭ zadavoleny tym, jak raźvivałasia hetyja 20 hadoŭ kraina. «Ja liču, što ŭ hetym sensie pakaleńnie ludziej, jakoje, umoŭna kažučy, pamiataje Brežnieva i jakoje vučyłasia za Harbačovym ci paźniej i žyvie ciapier, heta, moža być, samaje ščaślivaje pakaleńnie našych ludziej. Čamu? Tamu što ŭ nas jość mahčymaść paraŭnać, što było ŭ raniejšyja epochi, za raniejšym palityčnym ładam, i što jość siońnia. A heta samaja hałoŭnaja čałaviečaja ŭłaścivaść — supastaŭlać i paraŭnoŭvać», — cytuje prezidenta Rasii RIA «Novosti».