30 śniežnia Paŭłu spoŭnicca tryccać hadoŭ. Akurat napiaredadni hetaj daty Rada Biełaruskaha PEN‑Centru pastanaviła ŭhanaravać Paŭła Sieviarynca litaraturnaj premijaj imia Alesia Adamoviča. Palitviazień adznačany za cykł «Listy ź lesu», jaki voś užo paŭtara hodu drukuje «Naša Niva».
Pavał Sieviaryniec ad žniŭnia 2005 h. adbyvaje vysyłku ŭ vioscy Małoje Sitna na Połaččynie. Znachodziačysia daloka ad epicentru hramadzka‑palityčnaha žyćcia, u adryvie ad krynicaŭ infarmacyi, Pavał na prykładzie žycharoŭ tych miaścinaŭ adlustroŭvaje asnoŭnyja tendencyi ŭ žyćci ŭsiaho našaha hramadztva. «Listy Sieviarynca z Małoha Sitna — heta jaskravy ŭzor sučasnaje žyćciovaje publicystyki», — adznačaje siabar Rady PEN‑Centru Ŭładzimier Arłoŭ.
Premiju imia Adamoviča ŭmoŭna možna nazvać «Publicyst hodu». Raniej jaje atrymlivali Hienadź Buraŭkin, Hanna Soŭś, Ihar Hiermiančuk, inšyja vydatnyja aŭtary.