Prezident Litvy Dala Hrybaŭskajcie ličyć, što terminały dla zachoŭvańnia zvadkavanaha hazu pavinnyja mieć usie try krainy Bałtyi,paviedamlaje BIEŁTA.
Paśla sustrečy kiraŭnikoŭ Litvy i Estonii Dali Hrybaŭskajcie i Chiendryka Ilviesa ŭ Vilni ŭ paviedamleńni dla presy było pryviedzienaje mierkavańnie prezidenta Litvy ab tym, što adzin rehijanalny hazavy terminał nie zabiaśpiečyć patrebaŭ usich troch krain u zvadkavanym hazie, a niekalki terminałaŭ — u Łatvii, Litvie i Estonii — nie tolki ŭmacujuć enierhietyčnuju niezaležnaść rehijonu, ale i buduć stymulavać kankurencyju na hazavym rynku, što pryviadzie da źnižeńnia cenaŭ na haz dla spažyŭcoŭ.
Litva, pavodle słovaŭ prezidenta, nie suprać taho, kab u Łatvii pabudavali rehijanalny naftaterminał zvadkavanaha hazu, ale choča pabudavać i svoj terminał pamieniej, kab zavozić haz pa mory tankierami i źnizić enierhietyčnuju zaležnaść ad «Hazproma».
Łatvija aktyŭna prapahandavała budaŭnictva rehijanalnaha terminała na svajoj terytoryi, spadziejučysia pryciahnuć dla jaho budaŭnictva hrošy Jeŭrasajuza. Da hetaha času hetuju ideju ličyŭ ŭzajemavyhadnaj i estonski prezident Chiendryk Ilvies. Pavodle słovaŭ Dali Hrybaŭskajcie, estoncy ciapier taksama padumvajuć pra budaŭnictva ŭłasnaha nievialikaha naftaterminała.
