Prybałtyjskija banki prapanujuć dalary pa 6,4—14,4 tys. biełaruskich rubloŭ 2

Va ŭmovach faktyčnaha paraliču rynku najaŭnaj valuty ŭ Biełarusi mahčymaść lehalna kupić SKV za biełaruskija rubli dajuć litoŭskija i łatvijskija banki.

U abmiennych punkcie banka «Cytadel» (raniej «Pareks») na čyhunačnym vakzale Vilni, jaki pracuje kruhłasutačna, dołary možna pradać za 6.080 i kupić za 6.360 rubloŭ.

U «Miedycynskim banku» na raźmieščanym pobač aŭtavakzale kros-kurs składaje 6.000–6.850 rubloŭ.

Hetyja kursy prykładna adpaviadajuć kaciroŭkam biełaruskaha čornaha najaŭnaha rynku i kursam pieraliku koštu tavaru pradprymalnikami.

Značna daražejšy dołar u bankach Łatvii.

17 červienia kurs kupli najaŭnaha dołara ŭ banku «Norvik» składaŭ 4.709,5 rubla, prodažu — 14.414,3.

U hetym banku 26 maja byŭ zafiksavany rekordny kurs prodažu amierykanskaj valuty — 20.240 rubloŭ. Bieznajaŭnyja apieracyi bank pravodzić pa dahavornym kursie.

Mienšaja marža ŭ łatvijskim adździaleńni šviedskaha «SIEB-banka»: 4.950 pry kupli, 10.140 pry prodažy. Apieracyi ažyćciaŭlajucca ź bieznajaŭnaj valutaj.

Bank «Ryjetumu» kuplaje bieznajaŭnyja dołary pa 6.900 i pradaje pa 7.600 rubloŭ. U treciaj dekadzie maja bank praktyčna nie ažyćciaŭlaŭ apieracyi ź biełaruskim rublom z pryčyny 56-pracentnaha pavyšeńnia aficyjnaha kursu dołara ŭ Biełarusi.

Aficyjny kurs dołara da biełaruskaha rubla na 18 červienia składaje 4.994. U suviazi z abmiežavańniem adchileńnia kursu ±2% ajčynnyja banki nie mohuć vystavić kurs prodažu vyšej za 5.094. Valuty ŭ abmiennych punktach pa-raniejšamu niama.

Dźmitryj Ułasaŭ, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH