20 červienia ŭ Maskvie projduć pieramovy ministraŭ zamiežnych spraŭ Biełarusi i Rasii Siarhieja Martynava i Siarhieja Łaŭrova.
Jak paviedamlała raniej pres-słužba MZS Biełarusi, baki abmiarkujuć šyrokaje koła pytańniaŭ biełaruska-rasijskaha supracoŭnictva, chod realizacyi prahramy ŭzhodnienych dziejańniaŭ u śfiery źniešniaj palityki dziaržaŭ — udzielnic Dahavora ab stvareńni Sajuznaj dziaržavy na 2010—2011 hady.
Aficyjny pradstaŭnik MZS RF Alaksandr Łukaševič napiaredadni vizitu Martynava ŭ Maskvu paviedamiŭ, što "buduć abmierkavany mahčymaści pašyreńnia i pahłybleńnia dalejšaj sumiesnaj pracy ŭ miežach intehracyjnych struktur na prastory SND, u pryvatnaści ŭ miežach Mytnaha sajuza i Adzinaj ekanamičnaj prastory z prycełam na farmiravańnie Jeŭrazijskaha ekanamičnaha sajuza".
Ministry taksama abmiarkujuć pierśpiektyvy rasijska-biełaruskaha ŭzajemadziejańnia ŭ farmacie ABSIE i inšych mižnarodnych rehijanalnych arhanizacyj.
