Žančyna za zabojstva atrymała 1 hod i 10 miesiacaŭ, bo baraniłasia 5

Sud Hrodzienskaj vobłaści 17 červienia vynies vyrak 29-hadovaj žycharcy vioski Hardzijeŭcy Ašmianskaha rajona, jakaja 21 sakavika nažom udaryła svajho 74-hadovaha sužytnika. Mužčyna atrymaŭ pranikalnuju ranu lohkaha i pamior na miescy.

Prysud abvinavačanaj — 1 hod i 10 miesiacaŭ pazbaŭleńnia svabody ŭ kałonii va ŭmovach ahulnaha režymu. Takoje miakkaje pakarańnie vyniesienaje tamu, što pieršapačatkovaje abvinavačańnie ŭ zabojstvie zaviedama staroha čałavieka było pierakvalifikavanaje ŭ zabojstva pry pieravyšeńni miežaŭ nieabchodnaj abarony.

Prakuror Ašmianskaha rajona Andrej Kłyševič raskazaŭ, što sam paprasiŭ sud ab pierakvalifikacyi abvinavačańnia. Jon paličyŭ: toje, što žančyna abaraniałasia ad pabojaŭ sužytnika, dakazana padčas śledstva.

Pa słovach prakurora, zdareńnie adbyłosia 21 sakavika ŭ domie piensijaniera. 74-hadovy mužčyna try miesiacy nazad uziaŭ žančynu da siabie žyć. Ad 19 sakavika sužytniki adznačali dzień naradžeńnia haspadara. Spačatku ŭ Ašmianach, potym — doma ŭ Hardzijeŭcach. Kala 23 hadziny, napiŭšysia, lehli spać.

Jak raskazvała abvinavačanaja, haspadar staŭ patrabavać intymnych adnosinaŭ. Kali žančyna admoviłasia, ściahnuŭ jaje z łožka, pačaŭ bić taburetkaj pa hałavie. Sužytnica vymušanaja była abaraniacca i ŭziała ŭ ruki nož…

Rehijanalnaja hazieta

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH