Minski płanietaryj prapanoŭvaje maładym novuju pasłuhu — «Zornaje viasielle» 2

Jak raskazała inžynier płanietaryja Ludmiła Žarykava, ekskursija da zorak raźličana na 45 chvilin. Padčas jaje maładyja znajomiacca z samymi pryhožymi niabiesnymi źjavami i niabiesnymi suzorjami — znakami zadyjaku. Akramia taho, rabotniki płanietaryja raskažuć pra viasielli ŭ biazvažkaści i kosmasie, prapanujuć zrabić «viasielnaje padarožža» na kraj Suśvietu. Košt prahramy na adnaho čałavieka — 6 tys. rubloŭ.

Pavodle słoŭ śpiecyjalista, 17 červienia pasłuha «Zornaje viasielle» była akazanaja ŭpieršyniu. Na zorki palubavałasia para maładych i ich hości — usiaho 14 čałaviek. Čakajecca, što prahrama budzie pravodzicca rehularna sa žniŭnia — najbližejšym časam zornaja zała płanietaryja zakryjecca na ramont.

Minski płanietaryj i absiervatoryja byli adkrytyja ŭ 1965 hodzie. Zornaja zała, jakaja źmiaščaje 120 hledačoŭ, abstalavanaja kupałapadobnym ekranam i optyka-miechaničnym aparatam «Płanietaryj», vyrablenym u Hiermanii. Prajekcyjny aparat vałodaje raznastajnymi techničnymi mahčymaściami.

Jak paviedamlajecca na sajcie płanietaryja, u šaścimietrovaj viežy absiervatoryi ŭstanoŭleny teleskop-refraktar firmy Carl Zeiss z fokusnaj adlehłaściu 1.950 mm i 300-razavym pavieličeńniem. Pad kiraŭnictvam kampietentnych śpiecyjalistaŭ naviedvalniki mohuć nazirać: Sonca i plamy na im (dzionnaje nazirańnie), Miesiac ź jaho kratarami, harami, «marami», płaniety Vienieru, Mars, Jupitar, Saturn, dvajnyja i kratnyja sistemy zorak, charakternyja tumannaści i blizkija hałaktyki.

0

0

0

0

0

0

Anastasija Janušeŭskaja, BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH