Try punkty ES 5

U svajoj zajavie 20 červienia Rada Ministraŭ ES adznačyła try hałoŭnyja prablemy. Najpierš heta palityčny pieraśled, u tym liku źniavoleńnie eks-kandydataŭ u prezidenty. U tym liku: «ES padkreślivaje svoj hłyboki niepakoj paviedamleńniami pra katavańni i inšyja formy kiepskaha abychodžańnia ŭ biełaruskich turmach i zaklikaje biełaruskija ŭłady vykonvać mižnarodnyja zabaviazańni, pryniatyja na siabie Biełaruśsiu».

Pa-druhoje, heta parušeńni prava na svabodu słova. ES zhadvaje iski na zakryćcio «Našaj Nivy» i «Narodnaj Voli». zakryćcio «Aŭtaradyjo» i sud nad Pačobutam.

Pa-treciaje, i heta davoli niečakana, ES «zaklikaje Biełaruś pavažać normy dypłamatyčnaha imunitetu… i spynić zapałochvańnie i pieraśled» dypłamatyčnaha piersanału krain ES u Biełarusi. Mahčyma, isnujuć niejkija fakty, pra jakija biełaruskija ŚMI nie viedajuć.

ES vitaje rašeńnie Jeŭrapiejskaha banka rekanstrukcyi i raźvićcia admovicca ad prajektaŭ z udziełam dziaržaŭnych pradpryjemstvaŭ Biełarusi.

U toj ža čas ES vykazvaje namier vieści pieramovy ź biełaruskim bokam pra readmisiju i spraščeńnie vizavaha režymu.

Rada Ministraŭ ES zajaŭlaje, što ŭ vypadku dalejšaha paharšeńnia situacyi «ES hatovy pryniać kropkavyja miery va ŭsich adpaviednych kirunkach supracoŭnictva».

Nahadajem, što Rada Ministraŭ zamiežnych spravaŭ ES pašyryła śpis nieŭjaznych u ES i ŭpieršyniu ŭ historyi adnosin zamaroziła aktyvy troch pradpryjemstvaŭ, jakija jana ličyć źviazanymi z Alaksandram Łukašenkam.

0

0

0

0

0

0

NN.BY

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH