Prakapovič bolš nie staršynia Nacbanka. Chto ŭ adstaŭku nastupny? 25

20 červienia Alaksandr Łukašenka pryznačyŭ vykanaŭcam abaviazkaŭ staršyni praŭleńnia Nacbanka Juryja Ałymava.

Paviedamlajecca, što kiraŭnik Nacbanka Piatro Prakapovič, jaki pieranios surjoznuju apieracyju na sercy, pavinien prajści ciaham bližejšych miesiacaŭ kurs miedycynskaj reabilitacyi.

Jašče ŭ piatnicu na pres-kanfierencyi Alaksandr Łukašenka kazaŭ, što zamianiać Miaśnikoviča i Prakapoviča amal niama na kaho.

Juryj Ałymaŭ naradziŭsia ŭ 1957 hodzie na terytoryi ciapierašniaha Kyrhyzstana. Skončyŭ Leninhradski finansava-ekanamičny instytut imia Vaźniesienskaha, paśla čaho ŭ 1985 hodzie adpraviŭsia pracavać u biełaruski Śvietłahorsk.

Tam jon zrabiŭ karjeru, padniaŭšysia ad starejšaha ekanamista Śvietłahorskaha haradskoha finansavaha addzieła da namieśnika staršyni Śvietłahorskaha harvykankama na pačatku niezaležnaści. U 1993–1997 Ałymaŭ byŭ namieśnikam homielskaha abłasnoha kiraŭnika «Biełarusbanka», dalej pierajechaŭ u Minsk, staŭšy namieśnikam staršyni banka.

Jak i Prakapovič, Ałymaŭ pryjšoŭ u Nacbank 1998 hodzie. Praz try hady staŭ pieršym namieśnikam kiraŭnika hałoŭnaha banka krainy. U svoj čas Ałymaŭ atrymaŭ druhuju vyšejšuju adukacyju, skončyŭšy Akademiju kiravańnia pry Saviecie Ministraŭ.

ZP, JAV

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH