AAT «Hazprom» spynić pastaŭki hazu ŭ Biełaruś pry adsutnaści kantraktu na 2007 h. a 10:00 pa maskoŭskim časie 1 studzienia 2007 h.
Pra heta paviedamiŭ žurnalistam kiraŭnik rasiejskaj kampanii Alaksiej Miler. Jak zaznačyŭ Miler, u Litvu, Polšču i Niamieččynu ŭžo nakiravany paviedamlalnyja listy nakont sytuacyi z pastaŭkami hazu ŭ Biełaruś, cieraź jakoj idzie tranzyt hazu z Eŭropu.
«Hazpram» nia pojdzie na sastupki ŭ pytańni cany na haz dla Biełarusi», — zajaviŭ u svaju čarhu presavy sakratar kancernu Siarhiej Kupryjanaŭ.
Pieramovy nakont umovaŭ pastavak u 2007 h. zavieršylisia biezvynikova – «Hazprom» patrabuje pavysić canu z 47 da 105 dalaraŭ na tysiaču kubametraŭ. Miensk admaŭlajecca płacić bolej za 75 dalaraŭ. Kupryjanaŭ źvinavaciŭ Biełaruś u namiery raspačać niesankcyjanavany adbor rasiejskaha hazu, jaki vyznačany dla eŭrapiejskich spažyŭcoŭ.
Ministerstva enerhietyki Biełarusi, u svaju čarhu, zajaviła, što tranzyt hazu cieraź biełaruskuju terytoryju biaz novaha kantraktu z «Hazpramam» budzie niezakonnym.
Tym časam praciahvajecca infarmacyjnaja vajna: rasiejskaje internet-vydańnie hazieta.ru napisała, što nasielnictva Miensku, u čakańni hazavaj vajny, skuplaje ciopłuju vopratku i abahravalniki. Kali jość žadańnie, čytajcie tut.
❏
Na hałoŭnaj staroncy fota A. Milera z sajtu compromat.ru