Ź niekalkich haradoŭ Ispanii ŭ kirunku da Madryda rušyli demanstranty, jakija pratestujuć suprać palityki ŭładaŭ, paviedamlaje «Bi-bi-si».
Jany płanujuć dabracca da stalicy ŭ lipieni i tam zładzić supolnuju akcyju pratestu.
Samaja šmatlikaja hrupa apazicyjanieraŭ vyjšła z Barsiełony. Im treba adoleć adlehłaść u 650 kiłamietraŭ. U šlachu jany spadziajucca znajści prychilnikaŭ.
Mienšyja hrupy vyjšli ź Bilbaa, Valensii i Kadzisa. U bližejšyja dni padobnyja «maršy biespracoŭnych» startujuć i ź inšych haradoŭ krainy.
Chvala narodnaha niezadavolenaści achapiła Ispaniju. Demanstranty pratestujuć suprać palityki ŭładaŭ i finansavych instytutaŭ u baraćbie z ekanamičnym kryzisam.
