Miaśnikovič: Inflacyi my ŭžo amal dali rady, ale nielha prymać snatvornaje razam sa słabicielnym 23

Abvalnaha rostu cen na pradukty charčavańnia ŭ Biełarusi nie budzie, pakolki ŭ hetych adnosinach nastupstvy devalvacyi nacyjanalnaj valuty ŭžo prajšli.

Pra heta zajaviŭ prem'jer-ministr Michaił Miaśnikovič 24 červienia na sustrečy z pracoŭnym kalektyvam AAT «Ivacevičdreŭ».

«Rezkaha ŭzdymu cen nie pavinna być. Budziem imknucca, kab jaho nie było naohuł. Ale heta vielmi składana. Jak tolki pavialičvajecca zarpłata, adrazu raście popyt, jaki ciahnie za saboj rost cen», — cytuje Miaśnikoviča pres-słužba ŭrada.

Jość i abjektyŭnyja ciažkaści, dadaŭ prem'jer-ministr, majučy na ŭvazie tak zvany biełaruski šopinh. «Kali ŭ Biełarusi buduć mocna — na 10% i bolš — adroźnivacca ceny ad rasijskich, to biełaruskuju pradukcyju buduć vyvozić», — adznačyŭ Miaśnikovič. Heta asabliva charakterna dla Viciebskaj, Mahiloŭskaj, Homielskaj abłaściej, kudy pa pradukcyju pryjazdžajuć rasijanie.

«Inflacyi my ŭžo amal dali rady, — padkreśliŭ prem'jer-ministr. — I ciapier niejkaha ruchu cen, jaki adčuvalna ŭdaryć pa kašalku, u pryncypie nie pavinna być».

Pavodle słoŭ kiraŭnika ŭrada, nie budzie pakul raści i kurs dołara. Miaśnikovič ličyć, što realny kurs biełaruskaha rubla da dołara ZŠA składaje ad 4,5 da 5,5 tys. rubloŭ. I jon zachavajecca na takim uzroŭni, kali «my nie spravakujem jaho emisijnym kredytavańniem ekanomiki — na žyllo, fiermy, darohi», adznačyŭ kiraŭnik urada.

«Zabiaśpiečyć adnačasova valutnuju stabilnaść i raźvićcio niemahčyma, hetyja dźvie zadačy nie vyrašajucca ŭ sukupnaści, jak nielha prymać snatvornaje razam sa słabicielnym.

Spačatku treba navieści paradak na valutnym rynku, a potym zajmacca pytańniami raźvićcia», — padkreśliŭ prem'jer-ministr.

Tak, pavodle słoŭ Miaśnikoviča, abjom žyllovaha budaŭnictva ź dziaržaŭnaj padtrymkaj u 2012 hodzie budzie pamienšany na tracinu. Sioleta płanujecca budaŭnictva 7,5 młn. kv. m žylla, ź ich 80% — ź dziaržpadtrymkaj (heta lhotnaje kredytavańnie, sacyjalnaje žyllo). U nastupnym hodzie płanujecca budaŭnictva 6 młn. kv. m žylla, pry hetym ź dziaržaŭnaj padtrymkaj — 45%.

Prava karystacca lhotnymi žyllovymi kredytami budzie, pa-pieršaje, u šmatdzietnych siemjaŭ (padtrymka ich navat uzmocnicca), pa-druhoje, u siemjaŭ, jakija žyvuć u internacie i nikoli nie mieli svajho žylla, pa-treciaje, u tych, chto žyvie ŭ starym žylli.

Buduć pierahledžanyja i normy pastanoŭki na ŭlik hramadzian, jakija majuć patrebu ŭ palapšeńni žyllovych umoŭ.

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH