U Minsku admianili ekałahičny viełaprabieh i śviata enierhaźbieražeńnia, jaki pavinien byŭ adbycca ŭ aŭtorak u parku imia Horkaha.
Heta zdaryłasia, bo, jak paviedamili arhanizatary, u internecie «niekatoryja niadobrasumlennyja ludzi» zaklikali dałučycca da hetaha mierapryjemstva udzielnikaŭ Maŭklivych pratestaŭ z patrabavańniem ekanamičnych i palityčnych pieramien.

Maŭklivyja akcyi pratestu ŭžo bolš za miesiac prachodziać u Minsku i inšych haradach Biełarusi. Alaksandr Łukašenka abrynuŭsia na ŭdzielnikaŭ hetych pratestaŭ z pahrozami. Za ŭdzieł u pratestach u roznych haradach Biełarusi zatrymali kala 1800 čałaviek.

U sacyjalnych sietkach źjavilisia zakliki ŭdzielničać u viełaprabiehu ŭ majkach z nadpisam ŠOS. Za hetaj abrevijaturaj chavajecca žartaŭlivy łozunh «šob jon sieŭ».
«Nie vy arhanizavali viełaprabieh, a vam jaho dazvolili arhanizavać», — łajuć ŭdzielniki akcyj pratestaŭ ekołahaŭ, jakija arhanizavali viełaprabieh. Paśla internet-debataŭ z apazicyjanierami ekołahi vyrašyli admianić svajo mierapryjemstva.
Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?