Adzin z samych viadomych i paśpiachovych inviestaraŭ u śviecie, miljarder Džordž Soras zakančvaje karjeru ŭ śfiery kiravańnia chedžavymi fondami paśla 40 hadoŭ pracy ŭ halinie,
paviedamlaje Bloomberg. Pavodle dadzienych ahienctva, Soras viartaje hrošy inviestaram jaho finansavaj firmy Soros Fund Management, kapitał jakoj dasiahaje $ 25,5 młrd.

Pradprymalnik, jaki rychtujecca adśviatkavać svoj 81-y dzień naradžeńnia ŭ nastupnym miesiacy, addaść układčykam kala $1 młrd da kanca 2011 hoda, paviedamlajuć krynicy. Jaho kampanija zasiarodzicca na kiravańni aktyvami siamji biznesoŭca. Akramia hetaha, krynicy paviedamlajuć, što vykanaŭčy dyrektar Soros Fund Management Kiejt Andersan abvieścić, što pakidaje svoj post, u najbližejšy čas.

«My chočam vykazać padziaku tym, chto daviaraŭ nam svaje kapitały ciaham 40 hadoŭ», — havorycca ŭ liście, nakiravanym Sorasam i jaho synami inviestaram.

Ekśpierty ličać, što, zakryŭšy svoj chedž-fond, 80-hadovy biznesoviec, jakoha nie raz nazyvali finansavym śpiekulantam, nazaŭsiody pakinie bujny biznes i skancentrujecca na dabračynnaści, jak i inšy amierykanski inviestar Uoren Bafiet. Akramia hetaha, isnuje šerah mierkavańniaŭ, što pryčyna sychodu finansista z rynku chedž-fondaŭ kryjecca ŭ ekanamičnaj niestabilnaści Jeŭropy i ZŠA, jakaja pahražaje defołtam Vašynhtonu i šerahu krain jeŭrazony, jakija zaviaźli ŭ bujnych pazykach. Tak, u pačatku sakavika stała viadoma, što, bajučysia finansavaha kryzisu, svoj chedž-fond zakryvaje miljarder Karł Ajkan.

Dziejnaść Sorasa na rynku atrymała supiarečlivyja acenki ekśpiertaŭ. Niekatoryja ź ich ličać inviestara vinavatym u hrandyjoznym abvale funta sterlinhaŭ 16 vieraśnia 1992.

Finansisty ličać, što Soras rychtavaŭsia da śpiekulacyi niekalki hadoŭ, skuplajučy funty nievialikimi porcyjami, a zatym za adzin raz pradaŭ kala 5 młrd funtaŭ, abrynuŭšy kurs brytanskaj valuty da krytyčnaha minimumu.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?