Jaje znajšli śpiecyjalisty RUP «Biełhieałohija» ŭ Akciabrskim rajonie Homielskaj vobłaści.

Novyja zaležy vuhlevadarodaŭ znojdzieny padčas vyprabavańnia pašukovaj śvidraviny «Paŭdniova-Višanskaja №34» na hłybini 3252-3272 m u nižnich haryzontach padsolevych adkładańniaŭ. Prytok nafty, atrymany tut, papiarednie aceńvajecca ŭ 5 kub. m u sutki. Hieołahi praciahvajuć śvidravańnie. «Ciapier na vyprabavańni znachodzicca druhi intervał śvidraviny, jaki zalahaje nižej, — raskazaŭ namieśnik hienieralnaha dyrektara, hałoŭny hieołah «Biełhieałohii» Jarasłaŭ Hrybik. — U bližejšy čas płanujecca jaje asvajeńnie».

Paralelna praciahvajucca daśledavańni jašče na dvuch śvidravinach, dzie raniej byli taksama atrymany prytoki nafty, — «Šaciłkaŭskaj №15» u Śvietłahorskim rajonie i «Novakazanskaj №47» u Kalinkavickim rajonie Homielskaj vobłaści.

Sioleta «Biełhieałohija» pavinna zabiaśpiečyć pryrost prasysłovych zapasaŭ nafty na ŭzroŭni 400 tys. t. Dla vykanańnia hetaj zadačy hieołahi pašyrajuć hieahrafiju pošukaŭ. «U nas jość prablemy z ustojlivymi prytokami atrymańnia nafty, bo adkryvajemyja zaležy nievialikija pa pamierach, i ŭ druhim paŭhodździ hetaha hoda płanujem paskoryć pracy pa stvareńni novych śvidravin, — raskazaŭ Jarasłaŭ Hrybik. — Siarod ich — «Procharskaja№13», jakaja raźmiaščajecca na Procharskim naftavym radoviščy. U vieraśni płanujecca taksama raspracoŭka śvidraviny «Novabiarezinskaja» u Žłobinskim rajonie. Jašče adzin padobny prajekt budzie vykonvacca ŭ Śvietłahorskim rajonie — pa vyvučeńni naftapierśpiektyŭnaści tak zvanaj Mazyrskaj placoŭki».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?