Praapieravany ŭ 5-j kliničnaj balnicy Minska kaardynatar hramadzianskaj kampanii «Jeŭrapiejskaja Biełaruś» Dźmitryj Bandarenka adčuvaje siabie narmalna,
pra heta paviedamiła jaho žonka Volha Bandarenka.

«Ź jaho vusnaŭ ja pačuć heta nie mahu, naviedać jaho nie dazvolili, ale ŭrač skazaŭ, što jon adčuvaje siabie badziora, nakolki mahčyma paśla apieracyi, užo ŭstavaŭ», — skazała Bandarenka.

Pavodle jaje słoŭ, daktary nastojvajuć, kab Dźmitryj zastavaŭsia ŭ 5-j balnicy jašče tydzień. Zatym jon pavinien prajści dvuchtydniovuju reabilitacyju ŭ Respublikanskaj turemnaj balnicy. «Hetaha, viadoma, mała. My raźličvajem, što da nas prysłuchajucca i nakolki možna pradoŭžać termin reabilitacyi», — padkreśliła Bandarenka.

Nahadajem, u Źmitra Bandarenki dyjahnastavany niekalki hryžaŭ dyskaŭ pazvanočnika i ŭščamleńnie śpinnamazhavych niervaŭ. Apieracyja prajšła 26 lipienia.

Bandarenka byŭ davieranaj asobaj kandydata ŭ prezidenty Biełarusi Andreja Sańnikava na vybarach 2010 hoda. Jaho, jak i mnohich aktyvistaŭ apazicyi, zatrymali paśla apazicyjnaha mitynhu 19 śniežnia 2010 hoda i źmiaścili ŭ SIZA, dzie ŭ Bandarenki abvastrylisia chraničnyja zachvorvańni. U krasaviku sud pryznaŭ Bandarenku vinavatym u «arhanizacyi hrupavych dziejańniaŭ, jakija hruba parušajuć hramadski paradak, i aktyŭny ŭdzieł u ich» i pryhavaryŭ da dvuch hadoŭ pazbaŭleńnia voli ŭ kałonii ahulnaha režymu.

U mai asudžanaha ahledzieŭ nieŭrołah, jaki zajaviŭ, što Bandarenka maje patrebu ŭ apieracyi. U červieni stan źniavolenaha pahoršyŭsia, jaho pieraviali ŭ miedsančaść, a zatym u Respublikanskuju turemnuju balnicu. Tam Bandarenku pastavili pierad vybaram: adpraŭka ŭ kałoniju abo apieracyja. Jon vymušany byŭ dać piśmovuju zhodu na apieracyju. Pry hetym u kansultacyi niejrachirurha asudžanamu admoŭlena.

Svajaki, siabry i adnadumcy Dźmitryja zajavili, što faktyčna heta prymusovaja apieracyja. Kampanija «Jeŭrapiejskaja Biełaruś» zaklikała mižnarodnuju supolnaść vystupić u abaronu Bandarenki. Na zaklik apieratyŭna adreahavali Jeŭraparłamient i Jeŭrasajuz.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?