Virusam Win32/Delf.QCZ užo zaražana 19% rasijskich karystalnikaŭ sietki, 39% ukrainskich i 9% biełaruskich.
U sacyjalnaj sietcy Facebook raspaŭsiudžvajecca novy kampjutarny virus. Najbolšy raspaŭsiud virus atrymaŭ u ruskamoŭnym siehmiencie, paviedamlaje RIA Novosti» sa spasyłkaj na dadzienyja antyvirusnaj kampanii ESET. Novy virus raspaŭsiudžvajecca praz čat: karystalnik atrymlivaje ad adnaho sa svaich siabroŭ spasyłku, jakaja viadzie na sajt, adkul aŭtamatyčna zahružajecca škodnaja prahrama Win32/Delf.QCZ.
Jak adznačajuć śpiecyjalisty, najbolšy raspaŭsiud virus atrymaŭ siarod ruskamoŭnych karystalnikaŭ Facebook. Virusam Win32/Delf.QCZ užo zaražana 19% rasijskich karystalnikaŭ sietki, 39% ukrainskich i 9% biełaruskich.
Nastupstvy zaražeńnia mohuć być roznymi: chakiery mohuć vykraści paroli i łahiny ad sacyjalnych sietak, a taksama finansavyja srodki karystalnika ź sistem dystancyjnaha bankaŭskaha absłuhoŭvańnia i inšuju piersanalnuju infarmacyju. Akramia taho, moža zabłakavacca sastarełaja antyvirusnaja abarona śćviardžajuć śpiecyjalisty.
