Łukašenkaŭcy pierakryli praśpiekt Niezaležnaści, kab uniemažlivić pratesty. Centr horada ŭstaŭ u zatorach.
20:11
Akcyja skončana, kardony zdymajucca, zatory źnikajuć pacichu.
19:38
Tym časam karespandent NN spynieny čaćvierty raz: karespandent stajaŭ z «avaryjkaj». Hetym razam u rajonie Janki Kupały jaho spyniŭ supracoŭnik DAI Vital Kojpiš. Pravieryŭ dakumienty i skazaŭ. «U ščaślivuju darohu».
DAI razvaročvaje dia Doma Druku na Surhanava mašyny, što jeduć praśpiektam z boku Uručča. Kiroŭcy niezadavolena sihnalać.
19:30
Karespandent NN, što jedzie vulicaj Bahdanoviča, fiksuje vialikija zatory, jakija stvarylisia «dziakujučy» pierakryćciu hałoŭnych praśpiektaŭ.
19:28
Pa praśpiekcie Niezaležnaści ŭ rajonie skryžavańnia z vulicaj Kazłova aŭtamabili ruchajucca pa
U rajonie Pałaca Respubliki karespandent BiełaPAN pačuŭ, jak pa racyi supracoŭnikam milicyi pastupiła rasparadžeńnie zapisvać numary aŭtamabilaŭ «usich parušalnikaŭ», paviedamlaje BiełaPAN.
19:21
Z boku Nacyjanalnaj biblijateki ruch da centra horada pierakryty kala Doma Druku. Aŭtaŭładalnikaŭ prymušajuć pavaročvać z praśpiektu Niezaležnaści na vulicu Surhanava, paviedamlaje Jeŭraradyjo.
Kala ŭvachodu ŭ park Horkaha stajać dva aŭtobusy sa śpiecnazaŭcami. Pobač ź imi — kala 20 śpiecnazaŭcaŭ u čornaj formie.
19:17
Z patoka aŭtaamataraŭ na Jakuba Kołasa adłavili tolki karespandenta NN i adpravili na vulicu Kupały «pastajać tam».
19:12
U rajonie płoščy Jakuba Kołasa pakul usio spakojna — nie razabrać, dzie ŭdzielniki, dzie paspalityja aŭtaamatary.
19:02
Na Źmitraka Biaduli dziasiatki mašyn sihnalać, supracoŭnik DAI imkniecca ich supakoić, lotaje ad adnaho da inšaha, kab adpravić u inšy bok. Ale dzie ž jamu biednamu razarvacca.
19:01
Mašynu karespandentaŭ «NN» u rajonie płoščy Pieramohi spyniŭ supracoŭnik DAI i prapanavaŭ adjechać u bok, maŭlaŭ, niešta parušyli.
18:52
Ciapier abmiežavali ruch mašyn z płoščy Niezaležnaści ŭ bok Kastryčnickaj. Paadzinkavyja mašyny, što pryjazdžajuć z Vaładarskaha, Haradskoha Vała potym zhaniajuć.
18:47
Mocna abmiežavany ruch na praśpiekcie ad płoščy Jakuba Kołasa da Kastryčnickaj, mašyny, što jeduć hałoŭnaj arteryjaj stalicy, raźviartajuć, abmiežavany taksama ruch na praśpiekcie Pieramožcaŭ u rajonie hatela «Jeŭropa». Uzdoŭž praśpiekta šmat cicharoŭ ź videakamierami.
* * *
Novaja akcyja«Stop-bienzin» stała reakcyjaj na šostaje sioleta padvyšeńnie cenaŭ na aŭtamabilnaje paliva ŭ Biełarusi.
Aŭtaamatary rychtujucca adkazać na čarhovaje pavyšeńnie cen na paliva akcyjaj
Jak paviedamiŭ «Salidarnaści» kiraŭnik
***
Akcyi
Akcyja 7 červienia ŭvajšła ŭ historyju jak «revalucyja na kołach».
Bolš za 1500 aŭtamabilistaŭ na dźvie hadziny paralizavali ruch na praśpiekcie Niezaležnaści, pratestujučy suprać šokavaha pavyšeńnia koštaŭ na paliva. Niekatoryja spyniali mašyny, adkryvali kapoty i imitavali ramontnyja pracy. Aŭtaamataraŭ padtrymali piešachody, jakija vitali ŭdzielnikaŭ akcyi krykami i apładysmientami.
Praz paŭtara miesiaca, 21 lipienia, anałahičnaja akcyja sabrała kala sta aŭtaamataraŭ, a ruch na praśpiekcie ŭ rajonie vulicy Kazłova pierakryła DAI.
Jak raniej paviedamlałasia, u Biełarusi bienzinavyja ceńniki z 20 žniŭnia znoŭ vyraśli na 3 adsotki. Heta ŭžo šostaje padaražeńnie bienzinu sioleta.
Nasupierak słovam Łukašenki, što ceny na paliva buduć pavyšacca raz u kvartał.