U Minsku ŭ najbližejšyja dni nieabchodna sfarmavać hrafik pastavak miasa da kanca hoda. Takuju zadaču pastaviŭ staršynia Minharvykankama Mikałaj Ładućka siońnia na apieratyŭnaj naradzie ŭ harvykankamie.
«Nieabchodna na hetym tydni skłaści hrafik pastavak miasa da kanca hoda i vyznačyć jaho abjomy dla choładakambinataŭ, stabilizacyjnych fondaŭ, firmiennaj handlovaj sietki i dla śpiecpastavak (havorka idzie pra kambinaty školnaha charčavańnia)», — skazaŭ Mikałaj Ładućka.
Źviartajučysia da načalnika upraŭleńnia handlu i pasłuh Minharvykankama Andreja Novikava, kiraŭnik stalicy daručyŭ kantralavać vykanańnie hrafika pastavak miasa patušnaha i ŭ razrubach.
«Treba ź siońniašniaha dnia štodnia sumiesna ź Minsielhascharčam i abłvykankamam kantralavać pastaŭki miasa»,— adznačyŭ Ładućka.
Jon taksama daručyŭ na hetym tydni ŭzhadnić ź Minekanomiki ceny na miasa ŭ razrubach.
Pry hetym staršynia Minharvykankama zaklikaŭ arhanizavać vyraznuju schiemu pracy dla ŭsich subjektaŭ haspadarańnia, jakija ŭdzielničajuć u zabieśpiačeńni spažyvieckaha rynku miasam.
«Nieabchodna skłaści pieraliki miasakambinataŭ, pastaŭščykoŭ, pradpryjemstvaŭ spažyŭkaapieracyi i raśpisać, chto kudy jedzie i što viazie»,— padkreśliŭ Mikałaj Ładućka. Anałahičnuju pracu, pa jaho słovach, varta pravieści i ŭ dačynieńni da miasa ptuški. «U nasielnictva nijakich pytańniaŭ pa zabiaśpiečanaści miasam być nie pavinna», — skazaŭ jon.
