BMW prataraniŭ bietonnuju aharodžu i źlacieŭ kala 100 m pa schile hary. Adzin čałaviek zahinuŭ.
Fota «Krymski repartaž».
Fota «Krymski repartaž».
Fota «Krymski repartaž».
Fota «Krymski repartaž».
Vadzim Dubroŭski.
21 žniŭnia, u niadzielu na trasie «Novy Śviet» Krymie ŭ aŭtakatastrofu trapiŭ lehkavik BMW ź biełaruskimi numarami, pamiedamlaje sajt «Krymski repartaž». Aŭto prataraniła bietonnuju aharodžu i źlacieła pa schile hary kala 100 mietraŭ. Pavodle infarmacyi «KR», u vyniku avaryi adzin čałaviek zahinuŭ, adzin byŭ paranieny. Pa miesca zdareńnia pryjechali supracoŭniki DAI, MNS i śledčyja.
Jak stała viadoma partału Abw.by, u hetym DTZ zahinuŭ načalnik DAI Lidskaha RAUS major milicyi Vadzim Dubroŭski. Jon jechaŭ u aŭtamabili tavaryša, žychara Vaŭkavyska, u jakaści pasažyra (sam Vadzim Dubroŭski taksama rodam z Vaŭkavyska). Kiroŭca 1977 h.n. u reanimacyi. Pa niekatoraj infarmacyi, u aŭtamabili znachodziŭsia jašče adzin mužčyna, jon siadzieŭ na zadnim siadzieńni i zastaŭsia žyvy.
Vadzimu Dubroŭskamu było 33 hady, pasadu načalnika DAI Lidy zajmaŭ ź listapada 2010-ha, u jaho zastalisia žonka i dzicia.