Pavodle našaj infarmacyi, siońnia prykładna apoŭdni la pasolstva Livii ŭ Minsku na vulicy Biełaruskaj adbyŭsia cikavy incydent.
Siońnia la pasolstva, fota Jeŭraradyjo
Tak było daŭniej, yandex.ru
Hrupa hramadzian livijskaj nacyjanalnaści pryjšła da pasolstva, zładziła patasoŭku, paśla čaho vyviesiła la budynka pasolstva histaryčny ściah Livii: čyrvona-čorna-zialony trykałor.
Kadafi, nahadajem, admianiŭ hety ściah u pačatku svajho kiravańnia, zamianiŭšy zialonym pałotniščam. Hetymi ściahami byŭ raskviečany Minsk padčas vizitu siudy Muamara Kadafi. Ale voś revalucyja ŭ Livii prachodzić akurat pad trykałoram.
Žurnalisty, što pryjechali na miesca incydentu, zaśpieli cišu i spakoj la budynka pasolstva. Ale la pasolstva łunaje čyrvona-čorna-zialony trykałor.
Supracoŭnik pasolstva zajaviŭ, što nijakaha incydentu siońnia la ścien dypłamatyčnaha pradstaŭnictva nie było, a trykałor łunaje tut spradvieku. Taksama jon admoviŭsia kamientavać siońniašniaje padzieńnie režymu Kadafi ŭ Trypali.
Paźniej Jeŭraradyjo ŭ pasolstvie paćvierdzili, što ściah siońnia byŭ źmienieny na histaryčny, ale zrabili heta jany sami.