U Minsku pačałasia vakcynacyja suprać hrypu za ŭłasnyja srodki

22 žniŭnia ŭ Minsku pačałasia vakcynacyja suprać hrypu za košt srodkaŭ hramadzian i arhanizacyj. Pra heta BiełaPAN paviedamiła zahadčyca adździaleńnia imunaprafiłaktyki Minskaha haradskoha centra hihijeny i epidemijałohii Iryna Hlinskaja.

Pavodle jaje słoŭ, pryščepki možna zrabić u staličnych paliklinikach i ŭ Haradskim centry vakcynaprafiłaktyki. Dla vakcynacyi vykarystoŭvajecca francuzskaja vakcyna «Vaksihryp» (koštam da 60 tys. rubloŭ) i rasijskaja vakcyna «Hrypoł plus» (da 40 tys.).

Pavodle słoŭ Hlinskaj, praz paŭtara-dva tydni va ŭstanovach achovy zdaroŭja Minska źjavicca kitajskaja vakcyna «Fluvaksin». Dla vakcynacyi na płatnaj asnovie taksama ŭ chutkim časie buduć dastupnyja niamieckaja vakcyna «Fluaryks» i niderłandskaja «Influvak».

Pavodle słoŭ śpiecyjalista, usiaho za košt asabistych srodkaŭ i srodkaŭ arhanizacyj u Minsku płanujecca pryščapić 140–150 tys. čałaviek.

Hlinskaja taksama paviedamiła, što biaspłatnuju vakcynacyju suprać hrypu płanujecca pačać u vieraśni. Dla jaje buduć zakuplenyja dozy vakcyn «Hrypoł plus» i «Fluvaksin».

Śpiecyjalist rekamienduje ŭsim, chto žadaje abaranicca ad hrypu, zrabić pryščepku ŭ kancy žniŭnia — kastryčniku. Chacia najbolš aktyŭnym pieryjadam cyrkulacyi virusaŭ zvyčajna źjaŭlajecca studzień-sakavik, nie vyklučana zaražeńnie i vosieńniu. Imunitet paśla ŭviadzieńnia vakcyny farmirujecca na praciahu dvuch tydniaŭ i zachoŭvajecca 9 miesiacaŭ.

0

0

0

0

0

0

BiełaPAN

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH