24 žniŭnia ŭ Hrodna (Budzionaha, 48a). Pačatak a 19-j.
U sieradu, 24 žniŭnia, adbudziecca prezientacyja piataha vypuska almanacha «Horad Śviatoha Hubierta», pryśviečanaha pytańniam zachavańnia historyka-architekturnaj spadčyny horada nad Niomanam. Almanach vydajecca z pačatku 2000-ch hh. U 2006, 2007 i 2008 hadach vyjšli druhi, treci i čaćviorty numary almanacha, pryśviečanyja «rekanstrukcyi» Savieckaj płoščy, transpartnym prablemam histaryčnaha centra Hrodna i prablemam zachavańnia rajona Novy Śviet. Na staronkach almanacha ŭzdymalisia taksama inšyja aktualnyja pytańni. Siońniašni numar pryśviečany pytańniam rekanstrukcyi Kałožskaj carkvy. Drukujecca stenahrama Pieršych hramadskich słuchańniaŭ pa rekanstrukcyi Kałožy, jakija adbyvalisia 23 vieraśnia 2010 h., šerah małaviadomych materyjałaŭ ab hałoŭnaj śviatyni Hrodna. Čytačy zmohuć taksama paznajomicca ź cikavymi materyjałami na ekałahičnuju tematyku, pačytać ab historyi i pierśpiektyvach sudachodstva na Niomanie i mnohim inšym. U prezientacyi prymuć udzieł aŭtary i redaktary almanacha Aleś Smalančuk, Viktar Sajapin, Andrej Vaškievič, Ihar Łapiecha.
Pačatak a 19-j hadzinie pa adrasie Budzionaha, 48a.
