U Miensku la Domu ŭradu zatrymali aktyvistku KCHP-BNF Ninu Bahinskuju. Pra heta paviedamiła namieśnica staršyni niezaležnaha prafsajuzu pracaŭnikoŭ radyjoelektronnaj pramysłovaści Zinaida Michniuk ź Bieraścia.
Z nahody 20 hodździa nadańnia kanstutycyjnaj zakonnaści Deklaracyi ab dziaržaŭnym suverenitecie Biełarusi hrupa žančyn zładziła śviatočnuju akcyju. Jany nadzieli bieł-čyrvona-biełyja šaliki z vyjavaju hierba «Pahonia» i prajšli ad Kastryčnickaj płoščy da płoščy Niezaležnaści. Zatym jany pamalilisia i zaśpiavali malitoŭny himn «Mahutny Boža» la skulptury archanioła Michała — apiekuna Biełarusi, jakaja ŭstalavanaja kala Čyrvonaha kaścioła. Heta tradycyjnaja malitva, jakuju svajaki palitviaźniaŭ i hramadzkija aktyvisty štodnia pravodziać, a 20-j hadzinie na znak salidarnaści sa źniavolenymi ŭ vyniku akcyi pratestu 19 śniežnia 2010 hodu. Z nahody 20-hodździa biełaruskaj dziaržaŭnaści jany taksama malilisia za niezaležnaść, svabodu i demakratyju Biełarusi.
U honar śviata adna z udzielnic akcyi Nina Bahinskaja vyrašyła prajści pa miescy padziejaŭ, jakija adbyvalisia ŭ dzień prezydenckich vybaraŭ na płoščy Niezaležnaści 19 śniežnia, z razhornutym bieł-čyrvona-biełym ściaham. Žančyna zdoleła prajści praz płošču, ale kala budynka pedahahaičnaha ŭniversytetu da jaje kinulisia ludzi ŭ cyvilnym.
Jany vychapili ściah, a stałuju žančynu zatrymali i pavieźli ŭ RUUS Centralnaha rajonu.
27 lipienia, u Dzień pryniaćcia Dekłaracyi ab dziaržaŭnym suverenitecie Biełarusi 65-hadovuju Ninu Bahinskuju razam ź siabroŭkami zatrymali pry sprobie ŭskłaści kvietki da pomnika Janku Kupału.
Radyjo Svaboda
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
