Maksim Mirny pakidaje Australian Open, rozyhryš jakoha pačaŭsia 15 studzienia ŭ Melburnie, u indyvidualnym razradzie. Ranicaj 18 studzienia ŭ matčy druhoha raŭndu jon prajhraŭ pradstaŭniku Rasiei, pasiejanamu na turniry pad 21‑m numaram, Dźmitryju Tursunavu ŭ troch setach – 2:6, 3:6, 6:7 (4:7).
Nahadajem, što ŭ pieršym kruzie Maks vyjhraŭ u peruanca Luisa Chorny.
Praŭda, biełarus praciahnie baraćbu ŭ parnym razradzie. Jonas Bjorkman i Maks Mirny vyjhrali pieršy matč parnaha razradu Adkrytaha čempijanatu Aŭstralii. Tomas Berend (Niamieččyna) i Hijerma Harsija-Łopes (Hišpanija) vyhladali dziećmi na fonie biełaruska-švedzkaj pary — 6:0, 6:1. U druhim kruzie Mirny i Bjorkman zhulajuć suprać Rubena Ramiresa-Idalha (Hišpanija) / Serchijo Rojtmana (Arhientyna).
Naohuł sačyć u on-łajnie za matčami možna pa hetaj spasyłcy.
A ŭ mikście (miašanych parach) Maksim Mirny i Viktoryja Azaranka ŭ pieršym kruzie zhulajuć suprać Marcina Matkoŭskaha (Polšča) i i Kary Błek (Zymbabve).
Nahadajem, što ŭčora na turniry paśpiachova vystupili biełaruskija dziaŭčaty