Sajuz biełaruskich piśmieńnikaŭ abvieściŭ konkurs na lepšy prajekt nadmahilnaha pomnika paetu Anatolu Sysu.
U kampazycyi pomnika abaviazkova pavinny prysutničać kryž jak hałoŭny chryścijanski i paetyčny symbal tvorčaści Anatola Sysa.
Termin dziejańnia konkursu – da 1 traŭnia 2007 hodu. Eskizy i prajekty buduć prymacca da razhladu arhkamitetam pa ŭšanavańni pamiaci Anatola Sysa, što mieścicca ŭ Miensku, na vulicy Frunzie, 5, pakoj 307. Adnačasova arhkamitet abviaščaje zbor srodkaŭ na vykanańnie i ŭstalavańnie nadmahilnaha pomnika. Kantaktnyja telefony: 294‑03‑48; 768‑56‑14.
Sajuz biełaruskich piśmieńnikaŭ razam z redakcyjaj časopisu «Dziejasłoŭ» u minułaje vosień zarhanizavali śviata paezii na radzimie Anatola Sysa ŭ vioscy Haroškaŭ na Homielščynie.
Kiraŭnictva SPB ličyć, što hetaje śviata maje stać štohadovym i tradycyjnym. Z 2007 hodu premija časopiu «Dziejasłoŭ» u naminacyi «Debiut» budzie nasić imia Anatola Sysa. Naprykancy minułaha hodu ŭ vydaviectvie «Biełaruski knihazbor» vyjšła ŭ śviet kniha paeta ‑‑ «Lon».