Biełaruś i ŭ dalejšym nie płanuje arhanizoŭvać achovu ŭčastka hranicy z Rasijskaj Fiederacyjaj. Ab hetym zajaviŭ prezident krainy Alaksandr Łukašenka siońnia ŭ čas zaćviardžeńnia rašeńnia ab achovie dziaržhranicy Biełarusi ŭ 2007 hodzie.
«Niahledziačy na tuju pazicyju, jakuju zaniało siońnia rasijskaje kiraŭnictva, my nijakich mierapryjemstvaŭ pa pahraničnych vojskach na biełaruska‑rasijskaj hranicy nie ŭvodzim. My achoŭvać jaje nie budziem», — skazaŭ kiraŭnik dziaržavy.
«Heta pravilna. Nie treba davać padstavy, kab nas krytykavali, choć jany (Rasija. ‑ Zaŭvaha BIEŁTA) vyjšli na hranicu svaimi mytnymi orhanami», — skazaŭ Alaksandr Łukašenka.
Siońnia na biełaruska‑rasijskaj hranicy dziejničaje 16 punktaŭ mytnaha afarmleńnia. Pavodle słoŭ staršyni Dziaržaŭnaha kamiteta pahranvojskaŭ Alaksandra Paŭłoŭskaha, «faktyčna heta 16 mytniaŭ, jakija pracujuć u asnoŭnym režymie kantrolu tavaraŭ z trecich krain». «Kali ščyra, Rasii zastaŭsia adzin krok da stvareńnia mytnaj hranicy», — paviedamiŭ jon.
Fota photo.bymedia.net
