Adkazvajučy na pytańnie karespandenta «Našaj Nivy» pra vizyt u Biełaruś Eŭrakamisara Rene van der Lindena staršynia kamisii pa mižnarodnych spravach savietu respubliki Mikałaj Čarhiniec skazaŭ, što nie čakaje ad jaho niejkaha karennaha źmianieńnia ŭ adnosinach pamiž Biełaruśsiu i Eŭropaj.
Razam z tym, Čarhiniec adznačyŭ, što čakaje z boku Eŭropy kanstruktyŭnaha dyjalohu. «Dla nas siońnia važna, kab eŭrapiejski bok prysłuchoŭvaŭsia nia tolki da apazycyi, jakuju pradstaŭlajuć niejkija piać-šeść čałaviek, ale i da ŭładaŭ, aficyjnaha boku. Tolki kali buduć vysłuchanyja abodva baki, Eŭropa budzie mieć prava ŭ niejkich pytańniach krytykavać Biełaruś. Tady heta krytyka budzie spraviadlivaj i my jaje, mahčyma, prymiem.
U Eŭropie jość ludzi, jakija chočuć vieści z nami dyjaloh, i vizyt van der Lindena heta paćviardžaje, ale ŭ Eŭropie jość i bolš mahutnyja siły, jakija nie daduć, kali budzie treba, niekatorym palitykam raźviarnucca ŭ naš bok».
