U piatnicu na Adkrytym čempijanacie Aŭstralii pa tenisie, što 15 studzienia startavaŭ u Melburnie, prajšli matčy treciaha raŭndu indyvidualnaha razradu siarod žančyn. Na žal, biełaruski vystupili niaŭdała.

Nastaśsia Jakimava prajhrała pieršy set pradstaŭničcy Čechii Lucyi Safaravaj — 3:6 i admoviłasia ad dalejšych spabornictvaŭ, a Viktoryja Azaranka sastupiła 11‑j rakietcy turniru sierbcy Jelenie Jankavič – 3:6, 4:6.

Tym nia mienš biełaruski vystupili paśpiachova na Australian Open, i heta dazvolić im padniacca na niekalki prystupkaŭ u suśvietnym rejtynhu. Tak, u minułym hodzie Viktoryja Azaranka, što debiutavała ŭ "darosłaj sietcy" turniraŭ Vialikaha Šlemu, vybyła ŭžo ŭ pieršym kruzie.

Adnak biełarusy nie źjaždžajuć z Melburnu. Maksim Mirny i Jonas Bjorkman (Švecyja) u matčy druhoha raŭndu zhulajuć z Rubenam Ramiresam Idalha (Hišpanija) / Serchijo Rojtmanam (Arhientyna). A ŭ mikście Mirny i Azaranka ŭ pieršym kruzie syjducca z Marcinam Matkoŭskim (Polšča) i Karaj Błek (Zymbabve).

Клас
0
Панылы сорам
0
Ха-ха
0
Ого
0
Сумна
0
Абуральна
0