Sustreča ŭ Litvie adbyłasia na biesprecedentnym uzroŭni. Heta znak salidarnaści Litvy z Volnaj Biełaruśsiu. Hrafik raniejšych vizytaŭ u Prahu j Maskvu i siońniašniaha ŭ Kijevie taksama napružany.
Trochdzionny vizyt novaha lidera biełaruskich Demakratyčnych siłaŭ u Kijeŭ rychtavała Ministerstva zamiežnych spravaŭ Ukrainy. Jon prymierkavany da samitu «Ŭkraina — Eŭraźviaz», što prachodzić u stalicy na Dniapry 1—2 śniežnia. Zaplanavanyja sustrečy padčas samitu j vystup na forumie «Supolnaść demakratyčnaha vybaru», a taksama vialikaja pres-kanferencyja dla ŭkrainskich i zachodnich ŚMI.
U asobie Milinkieviča prymajuć pradstaŭnika biełaruskaha niezaležnaha hramadztva. Vykazvajuć, havoračy aficyjnaj movaj, zacikaŭlenaść da raźvićcia padziejaŭ u nastupnym hodzie. A nieaficyjna — prapanujuć dapamohu.
Milinkievič adkryta kaža pra toje, što vybaraŭ u zvykłym razumieńni nia budzie. I taksama adkryta — pra ćviordy namier damahčysia pieramohi j niebiaśpieku svajoj misii.
BT budzie lamantavać, što «apazycyja» — imia Milinkieviča nazyvać pakul nie rekamendujecca — jeździć pa sankcyi suprać Biełarusi. Nasamreč ža Milinkievič jeździć pa investycyi dla Volnaj Biełarusi. Eŭrapiejskija lidery dumki — pryčym jak na Zachadzie, tak i na Ŭschodzie — šmat razoŭ kazali, što chacieli b mieć partnera ŭ Miensku z boku apazycyi, ź jakim možna było b razmaŭlać. Ciapier jany takoha surazmoŭcu bačać i čujuć. Svaimi vizytami Milinkievič naładžvaje kantakt miž śvietam i Volnaj Biełaruśsiu, praryvaje ścianu izalacyi dy ihnaravańnia našaj krainy. U jakuju možna i varta investavać — u ŚMI, u intelektualnuju supolnaść, u kulturu. «Ciahnikom» u svoj čas pojdzie ekanomika. Adziny kandydat robić važnuju spravu, plon jakoj kožny z nas adčuje.
