Na hranicy Biełarusi ź Litvoj upieršyniu źjaviacca punkty sproščanaha propusku.

Jak paviedamili BIEŁTA u pres‑słužbie kiraŭnika biełaruskaj dziaržavy, 18 studzienia prezident Biełarusi Alaksandr Łukašenka padpisaŭ ukaz numar 33, jakim unosiacca źmianieńni i dapaŭnieńni ŭ mižuradavaje biełaruska‑litoŭskaje pahadnieńnie ab punktach propusku praź dziaržaŭnuju hranicu ad 18 lipienia 1995 hoda.

Płanujecca skaracić kolkaść nierentabielnych miždziaržaŭnych punktaŭ propusku praź biełaruska‑litoŭskuju dziaržaŭnuju hranicu. Na bazie ich infrastruktury ŭpieršyniu na hranicy dźviuch dziaržaŭ buduć uviedzieny punkty sproščanaha propusku.

U pryvatnaści, praduhledžvajecca ŭstanaŭleńnie 11 punktaŭ sproščanaha propusku, pryznačanych dla propusku nasielnictva, jakoje pastajanna pražyvaje na terytoryi, što niepasredna prylahaje da hetaj dziaržaŭnaj hranicy (u metach ažyćciaŭleńnia vytvorča‑haspadarčaj dziejnaści, padtrymańnia svajackich suviaziej, praviadzieńnia relihijnych abradaŭ).

Płanujecca ŭładkavać novy mižnarodny račny punkt propusku «Šviandubre ‑ Pryvałka» dla zabieśpiačeńnia naležnaha funkcyjanavańnia Aŭhustoŭskaha kanała, a taksama madernizavać asobnyja punkty propusku z metaj ažyćciaŭleńnia praź ich hruzavych mižnarodnych znosin i pasažyrskich mižnarodnych znosin dla raźvićcia turyzmu na terytoryi Nacyjanalnaha parku «Brasłaŭskija aziory».

Z tekstu pahadnieńnia budzie vyklučana taksama ŭkazańnie na nieisnujučyja čyhunačnyja punkty propusku (u miescach, dzie razabrany čyhunačnyja puci i adsutničaje ich absłuhoŭvańnie z dvuch napramkaŭ), paviedamili ŭ pres‑słužbie kiraŭnika dziaržavy.

Analahičnaje sproščanaje pierasiačeńnie mžy budzie i na biełaruska-łatvijskaj hranicy.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?