«Chto i kamu podpisy pieradavaŭ na vybarach, heta nie našaje pytańnie», — zajaviŭ BiełaPAN sakratar Centrvybarkama Mikałaj Łazavik, kamientujučy vykazvańnie Alaksandra Łukašenki ab pieradačy sabranych za jaho podpisaŭ padčas prezidenckich vybaraŭ inšym kandydatam.
Łukašenka 7 kastryčnika ŭ Minsku na pres-kanfierencyi dla pradstaŭnikoŭ rasijskich ŚMI paviedamiŭ, što napiaredadni vybaraŭ Minsk naviedvali jeŭrapiejskija čynoŭniki, jakija nazyvali šerah patrabavańniaŭ pa praviadzienn vybaraŭ. «Hałoŭnaje było patrabavańnie — usich zarehistravać, a ŭ nas treba 100 tys. podpisaŭsabrać dla rehistracyi. Nu dobra, prajšoŭ raund zboru podpisaŭ. Adzin u Viciebskim rajonie ŭziaŭ telefonny daviednik i ŭsich pierapisaŭ. Nu jak jaho zarehistravać? Hetaha nie rehistravali, astatnich zarehistravali — 10 čałaviek. Ja im addaŭ 600 tys. svaich podpisaŭ. U mianie niedzie było 2 młn. 700 tysiač, ja im addaŭ, kab CVK ich zarehistravaŭ.
Zarehistravali usich, pad žaleznym maim ciskam»,
— skazaŭ Łukašenka.
Pavodle źviestak Centrvybarkama, za Alaksandra Łukašenku było zdadziena 1 młn. 110 tys.149 dakładnych podpisaŭ. Akramia Łukašenki, bolš za sto tysiač dakładnych podpisaŭ zdali jašče dzieviać čałaviek.
