Padarožničajučy pa Biełarusi, ja ŭvieś čas baču horkija pomniki nievierahodnym achviaram i pakutam, jakija vyniesła hetaja kraina padčas Druhoj suśvietnaj vajny.Ich maštaby pačynaješ razumieć u Bresckaj krepaści, u Chatyni, kala mnostva vajennych miemaryjałaŭ u samim Minsku. Ale vastrej za ŭsio ich adčuvaješ, kali sustrakaješ vieteranaŭ vajny i tych, kamu daviałosia jaje pieražyć — tady
Pa skančeńni vajny jeŭrapiejcy byli poŭnyja rašučaści zahaić hetyja rany i zrabić usio mahčymaje, kab hetyja žachi nikoli bolš nie pakryli hańbaj naš kantynient. Hałoŭnaj zadačaj stała adnaŭleńnie viery ŭ toje, što čałaviečaja hodnaść kožnaha — nieadjemnaja i kančatkovaja kaštoŭnaść dla nas usich.
Źniavažyć jaje — značyć prynizić usich nas. Mienavita tamu Jeŭropa pravodzić paśladoŭnuju pracu pa admienie śmiarotnaha pakarańnia na ŭsim kantyniencie.Dasiahnieńni apošnich hadoŭ u hetaj halinie biassprečnyja — da 2009 hoda ŭsie jeŭrapiejskija krainy, za adnym tolki vyklučeńniem, admianili albo ŭviali maratoryj na śmiarotnaje pakarańnie. Hetaje adzinaje vyklučeńnie — Biełaruś, u jakoj zusim niadaŭna, u lipieni hetaha hoda, pryviali ŭ vykanańnie dva śmiarotnyja prysudy.
Admiena śmiarotnaha pakarańnia mahła b značna paskoryć intehracyju Biełarusi ŭ jeŭrapiejskija struktury, bo adkryła b joj šlach da siabroŭstva ŭ Radzie Jeŭropy, ahulnajeŭrapiejskaj arhanizacyi sa
Niesumnienna, nadydzie dzień, kali Biełaruś stanie siabram Rady Jeŭropy. Ale važnym etapam na šlachu da hetaha budzie jašče adna padzieja ŭ jeŭrapiejskaj historyi — dzień, kali Jeŭropa stanie pieršym u śviecie kantynientam bieź śmiarotnaha pakarańnia. U hety dzień maleńkaja kraina ŭ samym sercy našaha kantynienta budzie śviatkavać adno sa svaich najvialikšych dasiahnieńniaŭ i ŭ toj ža čas realizacyju našaj ahulnaj mary pra adzinuju i svabodnuju Jeŭropu.
Rozmary Tomas, ambasadar Vialikabrytanii ŭ Biełarusi





