Valuta fizičnym asobam u Biełarusi budzie pradavacca pa pradjaŭleńni dakumienta, jaki zaśviedčvaje asobu.Adpaviedny ŭkaz № 449 «Ab niekatorych pytańniach ažyćciaŭleńnia
Dakumientam uvodzicca rehistracyja pašpartnych dadzienych asob, jakija nabyvajuć zamiežnuju valutu (jak najaŭnuju, tak i bieznajaŭnuju, płaciežnyja dakumienty ŭ zamiežnaj valucie, u tym liku darožnyja čeki) za biełaruskija rubli ŭ abmiennych punktach i kasach bankaŭ.
Rehistracyja pašpartnych dadzienych fizičnych asob dazvolić sfarmavać mižbankaŭskuju centralizavanuju elektronnuju bazu źviestak pa ŭliku zamiežnaj valuty, pradadzienaj fizičnym asobam, z dapamohaj aŭtamatyzavanaj infarmacyjnaj sistemy adzinaj raźlikovaj i infarmacyjnaj prastory.
Z momantu ŭstupleńnia ŭ siłu ŭkaza prodaž zamiežnaj valuty fizičnym asobam u abmiennych punktach i kasach bankaŭ budzie ažyciaŭlacca pry pradjaŭleńni dakumienta, jaki zaśviedčvaje asobu.Takimi źjaŭlajucca pašpart hramadzianina Respubliki Biełaruś, vid na žycharstva ŭ Respublicy Biełaruś, paśviedčańnie biežanca, pašpart hramadzianina zamiežnaj dziaržavy.
Pry apieracyjach prodažu zamiežnaj valuty, ździajśnianych z dapamohaj bankaŭskich płastykavych kartak u terminalnych pryładach (atrymańnie najaŭnych hrošaj i apłata tavaraŭ i pasłuh), rekvizity dakumienta, jaki zaśviedčvaje asobu ŭładalnika kartki, buduć bracca z bazy dadzienych biełaruskaha banka, jaki emitavaŭ kartku.
Ukaz ustupaje ŭ siłu praź miesiac paśla jaho aficyjnaha apublikavańnia.
