07.10.2011
/ 18:18 / Ałharytmičny łacinski varyjant
Dźmitryj Us: «Zajava Łukašenki — heta čystaja chłuśnia»
U mianie karabiny i zbroja jość u najaŭnaści. Kali jon choča mianie zrabić šyzafrenikam, heta pijar-chod.
Na pres-kanfierencyi, arhanizavanaj dla pradstaŭnikoŭ rasijskich ŚMI 7 kastryčnika, Alaksandr Łukašenka zajaviŭ: eks-kandydat u prezidenty Dźmitryj Us byŭ adpuščany na volu z dyjahnazam «lohkaja šyzafrenija» i druhoj hrupaj invalidnaści.
— Adzin napisaŭ zajavu ab tym, što jon psichałahična źniasileny. Nu, źmiaścili jaho ŭ lakarniu, praviali abśledavańnie. U jaho stupień šyzafrenii, dali jamu druhuju hrupu invalidnaści, — skazaŭ Łukašenka. — Nielha ž trymać u turmie chvoraha čałavieka, invalida. Vypuścili jaho, — skazaŭ kiraŭnik dziaržavy.
Padčas anłajn-kanfierencyi na radyjo «Svaboda» Dźmitryj Us prakamientavaŭ hetuju zajavu, adkazvajučy na pytańnie čytačoŭ sajta.
— Nu što ja mahu skazać?
U mianie nieŭrałahičnaje zachvorvańnie było, z šyzafrenijaj nie źviazanaje. U mianie karabiny i zbroja jość u najaŭnaści. Kali jon choča mianie zrabić šyzafrenikam, heta pijar-chod, kab ablić mianie brudam. Ja prachodziŭ usie kamisii, u mianie paśviedčańnie kiroŭcy.
Nijakaj šyzafrenii niama. Heta čystaja chłuśnia, — adkazaŭ Dźmitryj Us.
«Salidarnaść»
Chočaš padzialicca važnaj infarmacyjaj ananimna i kanfidencyjna?
Pišycie redaktaru «Našaj Nivy» ŭ TH
