Rok-krasuni 19

Mužčynski časopis FURFUR publikuje śpis z 12 samych haračych dačok rok-muzykaŭ. Redakcyja vybirała samych pryhožych i, hałoŭnaje, maładych dačok — tamu ŭ top nie trapiła 34-hadovaja dačka Styva Tajlera (Aerosmith) Liŭ Tajler, ale ź lohkaściu apynułasia inšaja jaho dačka — Čełsi, jakoj u sakaviku spoŭniłasia 22 hady.

Frensis Bin Kabejn.

Zoi Kravic.

Ambier Le Bon.

Eryn Łukac.

Minka Kieli.

Čełsi Tajler.

Dejzi Łoŭ.

Łaren Charys.

Džordžyja Mej Džahier.

Lili Kolinz.

Teadora i Alaksandra Ryčards.

Frensis Bin Kabejn

Baćka: Kurt Kabejn, lider hurta Nirvana. 19 hadoŭ. Jak paznajomicca: pačać źbirać karciny maładych mastakoŭ

Adzinaja dačka Kortni Łaŭ i Kurta Kabejna, Frensis, da svaich dzieviatnaccaci hadoŭ paśpieła papracavać stažoram u časopisie Rolling Stone, padpieć Amandzie Pałmier na albomie «Evelyn» i źniacca ŭ fotasiesii Edzi Ślimana. A letaś u Łos-Andžełasie adbyŭsia pakaz karcin hetaj maładoj mastački. U budučyni Frensis maje namier zaniacca madelnaj karjeraj. Maci Frensis, Kortni Łaŭ, naradziłasia ŭ siaredzinie 1960-ch, u samy razhar chipi-ruchu, aktyŭnymi udzielnikami jakoha byli jaje baćki. Kurta taksama ciažka nazvać uzornym baćkam, ale

niahledziačy na adviazny ład žyćcia rok-pary — presa navat vinavaciła Łaŭ u tym, što jana kałoła sabie hierain padčas ciažarnaści, — im udałosia naradzić zdarovuju dačku

, jakuju nazvali ŭ honar hitarystka šatłandskaj hrupy The Vaselines Frensisa Maki. Akramia zornych baćkoŭ, Frensis moža pachvalicca svaimi chryščonymi — lideram hurta REM Majkam Stajpam i aktrysaj Dru Berymar.

Zoi Kravic

Baćka: Leni Kravic. 23 hady. Jak paznajomicca: schadzić na kancert hrupy Elevator Fight, jakuju Zoi sabrała ŭ 2009 hodzie.

Zoi Kravic, dačka muzyki Leni Kravica,

pajšła pa śladach baćki i akramia zdymak u kino śpiavaje i hraje na hitary va ŭłasnym rok-hurcie.

Akramia hetaha Zoi praciahvaje karjeru madeli, jakuju jana pačała ŭ 18 hadoŭ, źniaŭšysia ŭ fotasiesii dla sakavickaha numara časopisa Elle. U tym ža hodzie Zoi debiutavała ŭ kino, u filmie «Smak žyćcia». Da dvaccaci dvuch hadoŭ Zoi paśpieła źniacca taksama ŭ sieryjale «Jurlivaja Kalifornija» i filmie «Ludzi Iks: Pieršy kłas», nu, a ŭ nastupnym hodzie na jaje možna budzie palubavacca ŭ čaćviortaj pa liku karcinie pra «Varjackaha Maksa», dzie joj dastałasia adna z hałoŭnych rolaŭ. Jaje baćka — Leni Kravic — za svaju karjeru zapisaŭ dzieviať muzyčnych albomaŭ i źjaŭlajecca uładalnikam siami premij «Hremi». Maci Zoi, aktrysa Liza Bane, ź jakoj Kravic paznajomiŭsia ŭ dzień jaje dvaccacihodździa ŭ Łas-Viehasie, u kancy 80-ch źniałasia ŭ paścielnaj scenie ź Miki Rurkam u filmie «Serca anioła».

Ambier Le Bon

Baćka: Sajman Le Bon, vakalist hurta Duran. 22 hady. Jak paznajomicca: patrapić na pakaz kupalnikaŭ Myla, tvaram rekłamnych kampanij jakich źjaŭlajecca Ambier, a ŭ razmovie zhadać, što čuŭ pra toje, jak jana vydatna hraje na fartepijana.

Embier — starejšaja dačka vakalista hałoŭnaj ńju-ŭejv-hurta Duran. Sama Embier vyvučała va ŭniviersitecie historyju muzyki, sučasnaha mastactva i fatahrafii, a ciapier ihraje na pijanina i časam padzarablaje ŭ jakaści fotamadeli — jana ŭžo ŭdzielničała ŭ rekłamnych kampanijach Moschino, River Island, brenda kupalnikaŭ Myla i šampunia Pantene. Jaje tata — Sajman Le Bon — byŭ adnym z samych paśpiachovych i papularnych muzykaŭ anhlijskaj elektronnaj chvali 80-ch. Na piku svajoj karjery — u 1984 hodzie — jon

sustreŭ dvaccacihadovuju brytana-iranskuju madel Jaźmin Parvane i ŭ ramkach usieahulnaj mody na ekzotyku ŭziaŭ jaje ŭ žonki.

Praź piać hadoŭ jana naradziła Ambier. Jaźmin adnojčy

ŭčyniła skandał c Vikipiedyjaj za iłžyvuju infarmacyju ab tym, što jana viehietaryjanka.

Eryn Łukac

Baćka: Klif Uiljams, bas-hitaryst AC / DC. 25 hadoŭ Jak paznajomicca: prapanavać pracu ŭ sieryjale na adnym ź viadomych telekanałaŭ.

Eryn Uiljams — madel i aktorka, jakaja čamuści vyrašyła vykarystoŭvać psieŭdanim Łukas va ŭsich svaich tvorčych pracach.

Viadomaja jak aktorka sieryjała The City na MTV

, u trynaccaci epizodach jakoha jana paśpieła źniacca z 2008 pa 2009 hod. Ciapier jana žyvie ŭ Łos-Andžełasie i zdymajecca ŭ prajekcie Sex & Relationship kanała Current TV. Jaje tata — adzin ź liku ścipłych rokieraŭ, jakija ihrali ŭ samych kultavych prajektach, ale zorkami tak i nie stali. Za svaju muzyčnuju karjeru Klif Uiljams paśpieŭ paihrać i z Led Zeppelin, i z The Faces, i Mott The Hoople, ale viadomy staŭ jak bas-hitaryst hurta AC / DC. Kali ŭ 1980 hodzie jon pierajechaŭ z Anhlii ŭ Amieryku, to sustreŭ maładuju žycharku Kałarada Džardžynu, jakuju nieŭzabavie ŭziaŭ u žonki i zrabiŭ maci svaich dziaciej.

Minka Kieli

Baćka: Ryk Djufej, hitaryst Aerosmith. 31 hod Jak paznajomicca: zusim niadaŭna Minka raźvitałasia sa svaim chłopcam — biejsbalistaŭ Derekam Džeteram, tak što, kali vy niadaŭna padpisali šmatmiljonny kantrakt z Boston Red Socks, možacie pasprabavać paklikać Minku na kubak kavy

Minka Keli — adzinaja dačka byłoha hitarysta Aerosmith — źjaŭlajecca davoli paśpiachovaj aktrysaj. Upieršyniu jana zajaviła ab sabie ŭ 2002 hodzie, atrymaŭšy rolu ŭ sieryjale «Usio lepšaje ŭ tabie», i z tych časoŭ paśpieła źniacca amal u dvaccaci karcinach, u tym liku «500 dzion leta» i «Prykińsia majoj žonkaj». Ciapier dziaŭčyna zaniataja zdymkami ŭ sieryjale «Anioły Čarli».

Časopis Esquire nazvaŭ jaje samaj seksualnaj žančynaj płaniety ŭ 2010 hodzie.

Baćka za svaju muzyčnuju karjeru paśpieŭ paihrać u składzie Aerosmith i zapisać adzin solny albom «Tender Loving Abuse». Sustreŭšy ŭ Łas-Viehasie čaroŭnuju stryptyziorku Moryn, Ryk zaduryŭ joj hałavu svajoj francuzskaj vymovaj i, akramia ščodrych čajavych,

pakinuŭ u padarunak dačka Minku, a paśla hetaha, zhodna z staradaŭnim rok-n-rołlnom zvyčajem, kinuŭ ich na volu losu

.

Čełsi Tajler

Baćka: Styvien Tajler, lider hurta Aerosmith. 22 hady. Jak paznajomicca: hałoŭnaje, u razmovie

nie błytać Čełsi ź jaje starejšaj siastroj Liŭ Tajler — heta moža paranić jaje pačućci.

Čełsi Tajler, małodšaja dačka lidera Aerosmith Styviena Tajlera, akramia hroznaha aščeru, atrymała ŭ spadčynu ad taty muzyčnaść — jana ihraje na hitary i maryć stać śpiavačkaj. Čełsi navat padśpiavała baćku na adnym z albomaŭ Aerosmith i zaśviaciłasia ŭ niekalkich muzyčnych klipach hurta. Chaj Čełsi nie takaja publičnaja i viadomaja, jak jaje starejšaja siastra Liŭ, ale jana nie sastupaje joj u pryvabnaści — niadaŭna Čełsi zaklučyła kantrakt ź mižnarodnym rekłamnym ahienctvam IMG. Jaje tata Styvien Tajler, u dziacinstvie maryŭ stać leśnikom i transfarmujučy hetuju maru ŭ svoj sceničny vobraz, źjaŭlajecca adnym z samych paśpiachovych rok-muzykaŭ i navat uvachodzić u śpis sta najvialikšych vakalistaŭ usich časoŭ ad časopisa Rolling Stone (99 miesca). A mama Tereza Baryk, ź jakoj jon ažaniŭsia ŭ Akłachomie, pracuje dyzajnieram.

Dejzi Łoŭ

Baćka: Hevin Rasdejł, salist hrupy Bush. 22 hady. Jak paznajomicca: być Markam Ronsanam

Madel Dejzi Łoŭ pačała svaju tryumfalnuju karjeru ŭ dva hady. Surjoznyja zdymki pačalisia z 15 hadoŭ — mienavita tady jana padpisała svoj pieršy kantrakt z madelnym ahienctvam. Z hetaha momantu Dejzi paśpieła źniacca ŭ takich fatohrafaŭ, jak Styvien Klajn i Tery Ryčardsan, apynucca na vokładkach iD i Vogue, a taksama prajścisia pa podyumie ŭ jakaści madeli dla Chanel, Topshop i Vivienne Westwood. Akramia hetaha, Dejzi lubić dobruju muzyku, mahčyma tamu jana zdymałasia ŭ niekalkich muzyčnych klipach, a viasnoj 2008 hoda zapisałasia ŭ studyi z pradziusaram i bojfrendam (na toj momant) Markam Ronsanam. Sapraŭdny baćka Dejzi

Hevin Rasdejł daviedaŭsia pra dačku tady ž, kali i jana — u 2004 hodzie, u časie ekśpiertyzy, na jakoj nastajała dziaŭčynka. Maci Dejzi, Perł Dou, zaciažarała ad salista Bush vypadkova, paśla «seksu na adnu noč».

Łaren Charys

Baćka: Styŭ Charys, basist i zasnavalnik hrupy Iron Maiden. 27 hadoŭ. Jak paznajomicca: słuchać rok, ihrać na hitary, nasić adny i tyja ž džynsy niekalki miesiacaŭ zapar

Łaren — sapraŭdnaja dačka svajho baćki: bolš za viačernija sukni joj padabajucca skuranyja štany, śpiavaje va ŭłasnaj rok-hrupie Six Hour Sundown, ź jakoj paśpieła vypuścić albom, i jeździć pa muzyčnych festach, dzie hraje na razahrevie ŭ taty. Pry hetym

svaju muzyčnuju karjeru jana pačała absalutna samastojna, kali ŭ 2005 hodzie ŭ adnym z kłubaŭ jaje zaŭvažyŭ brytanski pradziusar Rus Bałłar, jaki navat nie padazravaŭ, što jana była dačkoj Styva Charysa.

Jaje baćka maje, badaj, samyja raskošnyja vałasy ŭ chevi-mietale, u dziacinstvie jon chacieŭ hulać u futboł, ale zamiest hetaha stvaryŭ adzin z samych upłyvovych chevi-mietał-hurtoŭ u historyi.

Džordžyja Mej Džahier

Baćka: Mik Džahier, salist hrupy Rolling Stones. 19 hadoŭ. Jak paznajomicca: zrabić ź Mikam Džahieram asobny muzyčny prajekt.

Džordžyja Mej Džahier — lubimaja dačka salista Rolling Stones (a ŭ jaho ich cełych čatyry, nie ličačy ŭnučak) u siemnaccać hadoŭ kinuła škołu i vyrašyła zaniacca madelnaj karjeraj. Heta nie dziŭna, uličvajučy, što ŭ čatyrnaccać hadoŭ jana apynułasia na vokładcy Dazed & Confuzed, a ŭ siemnaccać ŭžo zdymałasia toples dla rekłamnaj kampanii Hudson Jeans. Džahier

stała tvaram viasnova-letniaj kalekcyi marki Versace, jakuju ŭ 80-ja rekłamavała jaje maci

, druhaja pa liku žonka Mika, madel Džery Choł. Jaje baćka — Mik Džahier — muzyka, pradziusar, akcior, lidar viečnych Rolling Stones.

Lili Kolinz

Baćka: Fił Kolinz, brytanski muzyka, bubnač i vakalist hurta Genesis. 22 hady. Jak paznajomicca: stać maładym i paśpiachovym halivudskim režysioram.

U adroźnieńnie ad muzyčnaha taty Lili vyvučała žurnalistyku ŭ univiersitecie Paŭdniovaj Kalifornii i pisała dla Los Angeles Times i anhlijskaha časopisa Elle Girl, ale ŭ rešcie rešt usio ž abrała kinakarjeru. Źniałasia ŭ filmach «Pastyr», «Pahonia». Jaje tata — Fił Kolinz — źjaŭlajecca adnym z samych paśpiachovych brytanskich muzykaŭ, uładalnikam siami premij «Hremi» i aŭtaram saŭndtreka da multfilma «Tarzan». U pačatku 80-ch paśla adnaho z kancertaŭ Genesis Fił paznajomiŭsia sa školnaj nastaŭnicaj Džył Taviełman — budučaj mamaj Lili. Paźniej Kolinz raźvioŭsia z žonkaj pa faksie, zapłaciŭšy 17 młn funtaŭ sterlinhaŭ.

Teadora i Alaksandra Ryčards

Baćka: Kit Ryčards, hitaryst Rolling Stones Teador 26, Alaksandry 25. Jak paznajomicca: naviedvać najlepšyja viečarynki ŭ Ńju-Jorku.

Dočki hitarysta Rolling Stones Kita Ryčardsa Teadora i Alaksandra pracujuć madelami i pradstaŭlajuć sapraŭdnuju ńju-jorkskuju bahiemu.

Starejšaja, Teadora, rekłamavała bializnu marki Marks & Spencer, a małodšaja, Alaksandra, zdymajecca dla Vogue i ihraje dydžej-sety

na ńju-jorkskich viečarynkach. Ich tata — najvialikšy muzyka, kalekcyjanier hitar i siabar Džoni Depa, a mama, ź jakoj Kit paznajomiŭsia ŭ 1984 hodzie ŭ kłubie Studio 54 i ź jakoj z tych časoŭ nie raźvitvaŭsia, — adna z samych viadomych madelaŭ 70-ch Paci Chase.

FURFUR

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH