Alaksandr Łukašenka nie sastupiŭ by žančynie prezidenckaje kresła. Skandalnaje zajavu jon zrabiŭ na pres-kanfierencyi dla rasijskich ŚMI 7 kastryčnika.

Prezident skazaŭ, što stavicca da žančyny «značna lepš i vyšej, čym da mužyka».

— U nas bolš za 30% u parłamiencie žančyn. My heta rabili metanakiravana, pad maim žorstkim ciskam. Ja daviaraju žančynam značna bolš, čym mužykam, — adznačyŭ Alaksandr Łukašenka, dadaŭšy, što žančyna — jašče i «vialikaje tvareńnie pryrody», i «jak mužyk», jon schilajecca pierad žančynaj.

Ale prezidenctva, ličyć Łukašenka — «nie žanočaje sprava».

— Heta ciažkaje sprava, pa-pieršaje. Pa-druhoje, u mianie i ŭ rasijskaha prezidenta — paŭnamoctvy hałoŭnakamandujučaha.

Nu jak žančyna ŭ spadnicy pryjdzie pierad strojem, na vučeńniach. Choć navat žančyny ciapier i štany nosiać, ale heta nie toje.
Heta nie žančyny sprava, — zajaviŭ Alaksandr Łukašenka.

Jon adznačyŭ, što ŭ ES «funkcyi prezidenta moža, napeŭna, vykonvać žančyna, choć

prezident-žančyna taksama niejak nie vielmi hladzicca».

— Ale tam jany bolš pradstaŭničyja funkcyi vykonvajuć. U nas naadvarot. U nas treba ŭkałyvać, biehać, šyroka kročyć, kab štany nie parvać. Razumiejecie,

my, słavianie, nie vielmi ŭsprymajem, kali žančyna prezident,
 — skazaŭ biełaruski prezident.

— Nie treba vam u hetyja prezidenty leźci, heta biada, heta hora. Nie daj boh, — dadaŭ jon u zaklučeńnie.

Cikava, što hałoŭny «advakat» Łukašenka ŭ Jeŭrasajuzie — jak raz žančyna-prezident Dala Hrybaŭskajcie, jakaja taksama źjaŭlajecca viarchoŭnym hałoŭnakamandujučym Litvy.
Pryčym na vybarach jana «abyjšła» supiernikaŭ-mužčyn ź vialikim pieravahaj. Faktyčna
prezidenckija ŭ biełaruskim razumieńni paŭnamoctvy maje i kancler Niamieččyny Anhieła Mierkiel.
Prezident Finlandyi Tarja Chałanien dvojčy pieramahła na vybarach. Pa zakančeńni pieršaha hoda prezidenctva
70% hramadzian Finlandyi vykazali zadavalnieńnie dziejnaściu spadaryni Chałanien.
Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?