Salihorski vykankam zabaraniŭ Narodny schod ŭ stalicy šachcioraŭ. Adpaviedny list arhanizatary atrymali u čaćvier, 6-ha kastryčnika.
Niahledziačy na toje, što śfiera dziejańnia Zakona ab masavych mierapryjemstvach nie raspaŭsiudžvajecca na respublikanskija i miascovyja schody, vice-staršyniom Biełaruskaha niezaležnaha prafsajuza Mikałajem Novikam jašče ŭ pieršaj pałovie vieraśnia była nakirava zajava na praviadzieńnie adpaviednaha mierapryjemstva na haradskim stadyjonie “Budaŭnik”. Admova nie stała niečakanaściu dla zajaŭnika - ad pačatku hodu miascovyja ŭłady nie zadavolili nivodnaj zajaŭki na praviadzieńnie masavych mierapryjemstvaŭ ad pradstaŭnikoŭ niezaležnaha hramadstva. Hetym razam farmalnaj pryčynaj dla zabarony stała adsutnaść dadatka-abaviazalnictva pa arhanizacyi i praviadzieńniu masavaha mierapryjemstva.
Jak paviedamiŭ miascovym pravaabaroncam Mikałaj Novik, u hety ž dzień ź im skanaktavalisia pradstaŭniki Salihorskaj prakuratury i vyklikali na hutarku z nahody zapłanvanaha na 8 kastryčnika Narodnaha schodu. Naviedać nahladalny orhan vice-staršynia BNP źbirajecca na nastupnym tydni. Što da anansavanaha masavaha mierapryjemstva, dyk arhanizatary zajavili ab źniaćci ź siabie jurydyčnaj adkaznaści za jaho praviadzieńnie ŭ suviazi z vykankamaŭskaj zabaronaj.
