Kala 13-j hadziny ŭ słonimski park pačali źbiracca ludzi na Narodny schod. Ale pierad pačatkam schodu haradski park atačyli ludzi ŭ cyvilnym -- supracoŭniki milicyi i KDB. Bolšaść ź ich byli ŭ čornych kurtkach i z parasonami.

Schod adkryŭ kiraŭnik słonimskaj supołki BCHD Ivan Biedka. Jak tolki jon pačaŭ vystupleńnie, usie asoby ŭ cyvilnym pačali padychodzić da ŭdzielnikaŭ, a potym spynili vystupleńnie, matyvujučy heta tym, što schod u parku rajvykankamam nie dazvoleny. Paśla sprečak ludziej u cyvilnym i tych, chto sabraŭsia na Narodny schod, akcyja była spyniena, a Ivana Biedku zatrymali i pryviaźli ŭ RAUS.

Darečy, u hety dzień pa ŭsim horadzie na pradpryjemstvach i arhanizacyjach zrabili pracoŭnuju subotu, a ŭ centry horada praviali asieńni kirmaš, chacia ŭ raniejšyja hady jon pravodziŭsia ŭ kancy kastryčnika. Žurnalistam, jakija tam pracavali, nie dazvalali fatahrafavać i vyvodzili z terytoryi parku.

U 15.15 stała viadoma, što Ivan Biedka adpuščany z RUUS paśla składańnia pratakołu ab parašeńni pravaparadku.

Taksama ź'viłasia infarmacyja, što z Karelickaha RUUS paśla trochhadzinnaha zatrymańnia adpuščany znakamity chirurh Ivan Šeha.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?