Ministar zamiežnych spraŭ Litvy Aŭdronius Ažubalis «pa sutnaści padtrymaŭ» ideju vyłučeńnia aryštavanaha kiraŭnika pravaabarončaha centru «Viasna» Alesia Bialackaha na Nobeleŭskuju premiju miru 2012 hodu.

Litoŭski MZS adznačaje, što razhladaje hetuju i inšyja kandydatury i źviartaje ŭvahu na toje, što jany pavinny być pradstaŭlenyja 1-ha lutaha.

«Prapanova naminavać Bialackaha na Nobeleŭskuju premiju miru prahučała padčas uradavaj hadziny ŭ Sejmie. MZS razhladaje hetuju, a taksama inšyja kandydatury na Nobeleŭskuju premiju. Kandydatury pavinny być pradstaŭlenyja da 1 lutaha. Ministar pa sutnaści ideju padtrymlivaje», — skazaŭ pradstaŭnik MZS Mindaŭhas Łašas, pieradaje DELFI.

Źviarnucca da Nobeleŭskaha kamitetu adnosna kandydatury Bialackaha na minułym tydni prapanavaŭ parlamentar Vitaŭtas Bohušys na dyskusii, jakaja tyčyłasia adkaznaści ministraŭ justycyi i zamiežnych spraŭ za pieradaču infarmacyi pra rachunki Bialackaha aficyjnamu Miensku.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?