Mer Vilniusa Arturas Zuokas sustreŭsia z pradstaŭnikami demakratyčnych sił Biełarusi.

Jon jašče raz padkreśliŭ zacikaŭlenaść Litvy ŭ demakratyzacyi svajoj uschodniaj susiedki. Jon taksama paabiacaŭ, što Vilnius budzie akazvać dapamohu ŭsim biełarusam, jakija trapiać pad represii ŭ siabie na radzimie, paviedamiŭ adzin z udzielnikaŭ sustrečy Alaksandr Atroščankaŭ.

Pavodle jaho słoŭ, mer u samym pačatku sustrečy zajaviŭ, što

nie ŭsie litoŭcy staviacca da Alaksandra Łukašenki tak, jak prezident krainy Dala Hrybaŭskajte,
viadomaja svaimi simpatyjami da biełaruskaha kiraŭnika dziaržavy.

Jak zaznačyŭ Arturas Zuokas, bolšaść litoŭskich palitykaŭ upeŭnienyja ŭ nieabchodnaści demakratyzacyi Biełarusi, vyzvaleńni z turmaŭ usich palitźniavolenych, a taksama praviadzieńni ŭ krainie svabodnych demakratyčnych vybaraŭ. Tolki ŭ hetym vypadku, na dumku palityka, aficyjny Minsk moža raźličvać na jakujuści padtrymku Zachadu.

Ź biełaruskaha boku ŭ sustrečy ŭziali ŭdzieł Stanisłaŭ Šuškievič, Volha Bandarenka, Maryna Adamovič, Natalla Radzina.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?