Žyć na 19 tys. u dzień: BPM pavyšany da 574 790 rubloŭ 5

U Biełarusi zaćvierdžany novy biudžet pražytačnaha minimumu, paviedamili ŭ Ministerstvie pracy i sacyjalnaj abarony.

Pastanovaj Savieta Ministraŭ № 1450 ad 28 kastryčnika zaćvierdžany biudžet pražytačnaha minimumu ŭ siarednim na dušu nasielnictva i pa asnoŭnych sacyjalna-demahrafičnych hrupach u cenach vieraśnia ŭ raźliku na adzin miesiac.

Pieryjad dziejańnia hetych sacyjalnych narmatyvaŭ — z 1 listapada 2011 hoda pa 31 studzienia 2012 hoda.

Biudžet pražytačnaha minimumu ŭ siarednim na dušu nasielnictva ź listapada składaje 574 790 rubloŭ. Novy BPM pavysiŭsia na 29,9% da narmatyvu, jaki dziejničaje z 1 žniŭnia pa 31 kastryčnika (442 tys. 360).

Dla pracazdolnaha nasielnictva BPM ustanoŭleny pamieram 621 830 rubloŭ, dla piensijanieraŭ — 463 570, dla dziaciej va ŭzroście da 3 hadoŭ — 451 400 rubloŭ,

dla dziaciej va ŭzroście ad 3 da 6 hadoŭ — 564 tys. 540 rubloŭ, dla dziaciej va ŭzroście ad 6 da 18 hadoŭ — 619 tys. 600, dla dziaciej-studentaŭ — 541 730.

Pakolki novy BPM pavysiŭsia na 29,9% adpaviedna ź listapada na 29,9% uzrastuć pamiery dziaržaŭnych dapamoh siemjam, jakija vychoŭvajuć dziaciej. Buduć pavialičanyja pamiery sacyjalnych piensij, a taksama nadbaŭki i pavyšeńni, ustanoŭlenyja da piensij asobnych katehoryj piensijanieraŭ.

Struktura biudžetu pražytačnaha minimumu ŭ siarednim na dušu nasielnictva ŭ cenach vieraśnia 2011 hoda pa artykułach raschodaŭ nastupnaja: pradukty charčavańnia — 58,4%, płata za karystańnie žyłym pamiaškańniem i kamunalnyja pasłuhi — 9%, pradmiety harderobu — 17,1%, tavary bytavoha i haspadarčaha pryznačeńnia — 4,5%, pradmiety pieršaj nieabchodnaści, sanitaryi i lakarstvy — 2,3%, bytavyja i transpartnyja pasłuhi — 4,6%, uznosy i płaciažy — 4,1%.

BiełTA

Chočaš padzialicca važnaj infarmacyjaj ananimna i kanfidencyjna? Pišycie redaktaru «Našaj Nivy» ŭ TH