Lidar niezarehistravanaj arhanizacyi «Pravy aljans» Juryj Karetnikaŭ asudžany sudździom Savieckaha rajona Minska Dźmitryjem Paŭlučenkam da 10 sutak administracyjnaha aryštu za «drobnaje chulihanstva».
30 kastryčnika prykładna a 17-j Karetnikaŭ patelefanavaŭ rodnym i paviedamiŭ, što zatrymany i znachodzicca va ŭpraŭleńni ŭnutranych spraŭ Pieršamajskaha rajona. Jaho abvinavacili va ŭčynieńni drobnaha chulihanstva. Paśla składańnia pratakoła ab administracyjnym parušeńni Karetnikaŭ byŭ adpraŭleny ŭ Centr izalacyi pravaparušalnikaŭ na vulicy Akreścina ŭ Minsku. Pavodle śviedčańnia milicyjantaŭ, Karetnikaŭ nibyta spraŭlaŭ naturalnuju patrebu i za heta byŭ zatrymany.
Taksama siońnia buduć sudzić Siarhieja Savina, siabra Karetnikava, jaki byŭ zatrymany razam ź im.